ព័ត៌មានក្នុងខេត្ត

នារសៀលថ្ងៃទី០៣ ខែកញ្ញា ឆ្នាំ២០២៦នេះ ឯកឧត្តមបណ្ឌិតសភាចារ្យ ហង់ ជួនណារ៉ុន ឧបនាយករដ្ឋមន្រ្តី រដ្ឋមន្ដ្រីក្រសួងអប់រំ យុវជន និងកីឡា បានអញ្ជើញជាអធិបតីភាព ក្នុងពិធីប្រកាសតែងតាំងចូលកាន់មុខតំណែងប្រធានមន្ទីរអប់រំ យុវជន និងកីឡាខេត្តព្រះវិហារ។

ខេត្តព្រះវិហារ ការប្រឡងសញ្ញាបត្រមធ្យមសិក្សាទុតិយភូមិ សម័យប្រឡងថ្ងៃទី១០ ខែសីហា ឆ្នាំ២០២៦នេះ មានបេក្ខជនប្រឡងជាប់ជាស្ថាពររហូតដល់ ១,៧០២នាក់ ស្រី ១,០៤០នាក់ ស្មើនិង ៨៨% នៃចំនួនបេក្ខជនដែលបានមកប្រឡងសរុប ១,៩៣៥នាក់ ស្រី ១,១៤៤នាក់។ ក្នុងនោះសិស្សនិទ្ទេស A មានចំនួន ០៤នាក់ (ស្រី ០៣នាក់) រួមមាន៖ វិទ្យាល័យចំណេះទូទៅ និងបច្ចេកទេស ជា ស៊ីម ត្បែងមានជ័យ ចំនួន ០២នាក់ (ស្រី ០២នាក់) និងវិទ្យាល័យ ហ៊ុន សែន ភ្នំដែក ចំនួន ០១នាក់ ស្រី ០១នាក់) រួមនិងវិទ្យាល័យរវៀង ចំនួន ០១នាក់។

នាព្រឹកថ្ងៃទី៣១ ខែសីហា ឆ្នាំ២០២៦ ឯកឧត្តម ជិត គន្ធុល អគ្គធិការ នៃក្រសួងការងារ និងបណ្តុះបណ្តាលវិជ្ជាជីវៈ ឯកឧត្ដម ម៉ាង ស៊ីណេត អភិបាលខេត្តព្រះសីហនុ និងឯកឧត្តម គីម រិទ្ធី អភិបាលខេត្តព្រះវិហារ បាននាំយកស្បៀងអាហារ រួមទាំងថវិកា ដែលជាអំណោយដ៏ថ្លៃថ្លារបស់ចៅៗ អ្នកឧកញ៉ា ព្រឹទ្ធមហាឧបាសិកា ធម្មញ្ញាណវិវឌ្ឍនា ប៊ុន ស៊ាងលី និងមហាឧបាសក លីន គ្រី ទៅប្រគល់ជូននាយទាហាន នាយទាហានរង ពលទាហាន និងនាយ-ពលនគរបាល ដែលកំពុងឈរជើងបំពេញភារកិច្ចការពារបូរណភាពទឹកដី តាមខ្សែបន្ទាត់ព្រំដែនកម្ពុជា-ថៃ ទិសទី១ ខេត្តព្រះវិហារ។

នាព្រឹកថ្ងៃទី៣១ ខែសីហា ឆ្នាំ២០២៦ ស្ថិតនៅសាលប្រជុំសាលាខេត្តព្រះវិហារ មានរៀបចំកិច្ចប្រជុំសាមញ្ញលើកទី២៧ របស់ក្រុមប្រឹក្សាខេត្ត អាណត្តិទី៤ ក្រោមអធិបតីភាព ឯកឧត្តម ខូយ ឃុនហ៊ ប្រធានក្រុមប្រឹក្សាខេត្តស្តីទី និងឯកឧត្តម មិន ស៊ីថា អភិបាលរងខេត្តព្រះវិហារ ដោយមានការអញ្ជើញចូលរួមពីសំណាក់ឯកឧត្តម លោកជំទាវជាសមាជិកក្រុមប្រឹក្សាខេត្ត អភិបាលរងខេត្ត កងកម្លាំងទាំង៣ ថ្នាក់ដឹកនាំមន្ទីរអង្គភាពជុំវិញខេត្ត អភិបាលក្រុងស្រុកទាំង៨ និងអ្នកពាក់ព័ន្ធជាច្រើនរូបទៀត។

កិច្ចសហប្រតិបត្តិការ និងចំណងមិត្តភាពរវាងយុវជន និងសហគ្រិនវ័យក្មេងនៃប្រទេសជិតខាងទាំងបី កម្ពុជា ឡាវ និងវៀតណាម កាន់តែត្រូវបានរឹតបន្តឹងយ៉ាងរឹងមាំបន្ថែមទៀត។ ជាក់ស្តែង កាលពីពេលថ្មីៗនេះ ប្រតិភូសហភាពសហព័ន្ធយុវជនកម្ពុជា ខេត្តព្រះវិហារ បានអញ្ជើញចូលរួមក្នុងកម្មវិធីជួបជុំយុវជនត្រីភាគី ដើម្បីផ្លាស់ប្តូរបទពិសោធន៍ បើកឱកាសពាណិជ្ជកម្ម និងពង្រឹងកិច្ចសហប្រតិបត្តិការតំបន់ព្រំដែនឱ្យកាន់តែមានភាពរីកចម្រើន។

ឯកឧត្តម ប្រាក់ សុវណ្ណ ប្រធានក្រុមប្រឹក្សាខេត្ត និងឯកឧត្តម គីម រិទ្ធី អភិបាលខេត្តព្រះវិហារ បានចូលរួមកិច្ចប្រជុំពេញអង្គគណៈរដ្ឋមន្ត្រី ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា តាមរយៈអនឡាញ ដើម្បីពិភាក្សា និងឆ្លងលើរបៀបវារៈចំនួន៥៖

នាព្រឹកថ្ងៃទី២៨ ខែសីហា ឆ្នាំ២០២៦ នេះ លោកស្រី ហែម សុគុណពិសី ក្រុមការងាររាជរដ្ឋាភិបាល ចុះមូលដ្ឋានឃុំគូលែនត្បូង បានសហការជាមួយអាជ្ញាធរឃុំ កម្លាំងប៉ុស្តិ និង មន្ត្រីជំនាញអត្តសញ្ញាណកម្មនៃអធិការដ្ឋាននគបាលស្រុកគូលែន ខេត្តព្រះវិហារ ចុះពិនិត្យ និងតាមដានដំណើរការផ្តល់សេវាធ្វើអត្តសញ្ញាណប័ណ្ណសញ្ជាតិខ្មែរជូនប្រជាពលរដ្ឋនៅក្នុងមូលដ្ឋាន។

​នាថ្ងៃអង្គារ ១២កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៥ ខែសីហា ឆ្នាំ២០២៦នេះ ថ្នាក់ដឹកនាំ មន្ត្រីរាជការ និងមន្ត្រីជាប់កិច្ចសន្យា នៃមន្ទីរព័ត៌មានខេត្តព្រះវិហារ បានអញ្ជើញចូលរួមក្នុងពិធីបុណ្យគម្រប់ខួប ១០០ថ្ងៃ ដើម្បីឧទ្ទិសកុសលជូនដល់វិញ្ញាណក្ខន្ធ លោក អាន សារិទ្ធិ អតីតមន្ត្រីរាជការ នៃមន្ទីរព័ត៌មានខេត្តព្រះវិហារ។

នៅព្រឹកថ្ងៃទី២៦ ខែសីហា ឆ្នាំ២០២៦នេះ នៅសាលប្រជុំអគាររដ្ឋបាលសាលាខេត្តព្រះវិហារ មានរៀបចំកិច្ចប្រជុំពិភាក្សា ស្តីពីកិច្ចសហប្រតិបត្តិការបន្តរុករកអដ្ឋិធាតុកងទ័ពស្ម័គ្រចិត្ត និងជំនាញការវៀតណាម ដែលបានធ្វើពលិកម្មក្នុងសម័យសង្គ្រាមនៅកម្ពុជា ក្នុងខេត្តព្រះវិហារ សម្រាប់រដូវប្រាំងឆ្នាំ២០២៦-២០២៧ រវាងគណៈកម្មការជំនាញខេត្តហ្សាឡាយ (វៀតណាម) និងគណៈកម្មការជំនាញខេត្តព្រះវិហារ (កម្ពុជា)។

នៅរសៀលថ្ងៃទី២៤ ខែសីហា ឆ្នាំ២០២៦ លោកជំទាវ សុខា គងពិសី គីម រិទ្ធី ប្រធានកិត្តិយសសាខាសមាគមនារីកម្ពុជា ដើម្បីសន្ដិភាព និងអភិវឌ្ឍន៍ ខេត្តព្រះវិហារ ដឹកនាំក្រុមការងារចុះសួរសុខទុក្ខ និងនាំយកអំណោយជាស្បៀងអាហារ ជូនដល់កងទ័ពសមរភូមិមុខ ទិសអានសេះ ស្ថិតក្នុងភូមិសាស្ដ្រស្រុកជាំក្សាន្ដ ខេត្តព្រះវិហារ ដើម្បីជាការលើកទឹកចិត្ត និងផ្តល់កម្លាំងចិត្តយ៉ាងធំធេង ដល់វីរកងទ័ពដែលកំពុងឈរជើងការពារអធិបតេយ្យភាពជាតិ និងបូរណភាពទឹកដីយ៉ាងអង់អាចក្លាហាន។

«ក្បាលទឹកដោះ ឬទឹកដោះដំបូង គឺជាវ៉ាក់សាំងធម្មជាតិដំបូងគេបង្អស់សម្រាប់ការពារជីវិតទារក» នេះជាសារអប់រំអាហារូបត្ថម្ភ និងជាបេះដូងនៃ «សប្ដាហ៍ពិភពលោកបំបៅកូនដោយទឹកដោះម្ដាយ» ដែលបានប្រព្រឹត្តទៅនៅថ្ងៃទី២៤ ខែសីហា ឆ្នាំ២០២៦នេះ ក្នុងឃុំប្រមេរុ ស្រុកត្បែងមានជ័យ ក្រោមប្រធានបទ «ម្ដាយគ្រប់រូបចាប់ផ្ដើមបំបៅកូនដោយទឹកដោះម្ដាយភ្លាម ក្រោយពេលសម្រាលរួច ដើម្បីម្ដាយ និងទារកមានសុខភាពល្អនៅថ្ងៃនេះ និងថ្ងៃអនាគត» ដែលត្រូវបានរៀបចំឡើងដោយ គម្រោង «យើងរួមគ្នា» នៃអង្គការអាដ្រាកម្ពុជា (ADRA) សហការយ៉ាងជិតស្និទ្ធជាមួយមន្ទីរសុខាភិបាលខេត្ត និងរដ្ឋបាលស្រុកត្បែងមានជ័យ ក្រោមអធិបតីភាព លោកស្រី ប៉ាង រ៉ាវី អភិបាលរងខេត្តព្រះវិហារ។

បន្ទាប់ពីបានទទួលព្រះរាជអំណោយ ព្រះករុណា ព្រះមហាក្សត្រនៃព្រះរាជាណាចក្រកម្ពុជា ជាអម្ចាស់ជីវិតលើត្បូង ដែលបានសន្សំទុកមក ៤០ឆ្នាំ ជូនសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ភ្លាម សម្តេចកិត្តិព្រឹទ្ធបណ្ឌិតប្រធាន នៅថ្ងៃទី២៤ ខែសីហា ឆ្នាំ២០២៦នេះ បានចាត់ឱ្យ លោកជំទាវ ពុំ ចន្ទីនី អគ្គលេខាធិការកាកបាទក្រហមកម្ពុជា និងក្រុមការងារ ចុះសួរសុខទុក្ខ និងនាំយកព្រះរាជអំណោយជូនជនភៀសសឹក និងគ្រួសារអតីតយុទ្ធជនចំនួន ៦៤៥គ្រួសារ ដែលកំពុងស្នាក់នៅជាបណ្តោះអាសន្ន និងបង្កើតជីវភាពថ្មី នៅភូមិតាកឹងបៃតង ស្រុកជាំក្សាន្ត ខេត្តព្រះវិហារ។