ព័ត៌មានក្នុងខេត្ត

ការកែប្រែមុខមាត់ថ្មីនៃវិស័យសុខាភិបាលនៅតាមមូលដ្ឋាន បាននិងកំពុងស្តែងឡើងយ៉ាងច្បាស់នៅក្នុងស្រុកគូលែន ខេត្តព្រះវិហារ។ មណ្ឌលសុខភាពគូលែន ដែលកាលពីមុនឆ្នាំ មានត្រឹមតែអគារចំនួន២ខ្នង ជួបការលំបាកក្នុងការទទួលប្រជាពលរដ្ឋនោះ នាពេលបច្ចុប្បន្ន បានផ្លាស់ប្តូររូបរាងយ៉ាងស្រស់ស្អាត និងធំទូលាយ តាមរយៈការបន្ថែមនូវហេដ្ឋារចនាសម្ព័ន្ធអគារ និងឧបករណ៍វេជ្ជសាស្ត្រទំនើបៗជាច្រើន។

​ការស្ថាបនាពង្រីកផ្លូវធំទូលាយ និងការរៀបចំសោភ័ណភាពជុំវិញរង្វង់មូល បានធ្វើឱ្យទីរួមស្រុកគូលែន មានមុខមាត់ថ្មីស្រស់ស្អាត រៀបរយ និងគួរឱ្យទាក់ទាញ។ ទីនេះមិនត្រឹមតែជាចំណុចប្រសព្វសម្រួលដល់ការធ្វើដំណើរប៉ុណ្ណោះទេ ប៉ុន្តែថែមទាំងជាទីសក្ការបូជា និងជាមោទនភាពរបស់បងប្អូនប្រជាពលរដ្ឋក្នុងស្រុកកំណើតរបស់ «លោកឪសួង អ្នកសច្ចំភ្នំត្បែង» ឬ «ទេវតាដើរដី» !

មន្ទីរសាធារណការ និងដឹកជញ្ជូនខេត្ត សូមសម្តែងនូវការសោកស្តាយ និងសូមខន្តីអភ័យទោសយ៉ាងជ្រាលជ្រៅចំពោះបងប្អូនប្រជាពលរដ្ឋទាំងអស់ ដែលបានធ្វើដំណើរឆ្លងកាត់ផ្លូវមួយខ្សែនេះ។ កន្លងមក ដោយសារកត្តាអាកាសធាតុមានភ្លៀងធ្លាក់ជោកជាំជាបន្តបន្ទាប់ បានធ្វើឱ្យផ្លូវមានការខូចខាត និងបង្កជាផលលំបាកដល់ការធ្វើដំណើរតាមដងផ្លូវនៅតាមផ្នែកមួយចំនួន។ ស្ថានភាពអាកាសធាតុបែបនេះ ក៏បានរារាំងដល់ក្រុមការងារបច្ចេកទេស មិនអាចចុះកៀរសម្រួលផ្លូវបានភ្លាមៗផងដែរ។

សមិទ្ធផលការងាររបស់រដ្ឋបាលខេត្តព្រះវិហារ ក្រោមការដឹកនាំរបស់ ឯកឧត្តម គីម រិទ្ធី អភិបាលនៃគណៈអភិបាលខេត្ត

ពិធីនេះបានប្រព្រឹត្តទៅក្រោមអធិបតីភាព លោក ឯ សារូ ប្រធានក្រុមប្រឹក្សាក្រុង និង លោក ប៉ុក ងួន អភិបាលក្រុងព្រះវិហារ ព្រមទាំងមានការអញ្ជើញចូលរួមពីសំណាក់អាជ្ញាធរដែនដី មន្ត្រីបច្ចេកទេស និងបងប្អូនប្រជាពលរដ្ឋនៅក្នុងមូលដ្ឋានយ៉ាងច្រើនកុះករ។

ក្រុមការងារនៃអង្គភាពគ្រប់គ្រងកម្មវិធីអភិវឌ្ឍន៍ និងធ្វើឱ្យប្រសើរឡើងលើវិស័យផ្គត់ផ្គង់ទឹកស្អាត និងអនាម័យជនបទប្រកបដោយនិរន្តរភាព ដឹកនាំដោយ លោក ទិត្យ សុផា អគ្គាធិការរង និងជានាយកកម្មវិធី រួមជាមួយ លោក យ៉ា សំអុល ប្រធានក្រុមបេសកកម្មធនាគារអភិវឌ្ឍន៍អាស៊ី (ADB) បានអញ្ជើញចុះពិនិត្យមើលពីវឌ្ឍនភាពការងារអនុវត្តគម្រោងផ្គត់ផ្គង់ទឹកស្អាត និងអនាម័យជនបទ នៅក្នុងភូមិសាស្ត្រខេត្តព្រះវិហារ។

នៅ​ថ្ងៃ​ទី ២៤ ខែ​មិថុនា ឆ្នាំ ២០២៦ ក្រុមការងារ​មន្ទីរ​សាធារណការ និង​ដឹកជញ្ជូន​ខេត្ត​ព្រះវិហារ បាន​បន្ត​សកម្មភាព​ជួសជុល​ផ្លូវ​ជាតិលេខ ៦២ ក្នុង​ភូមិសាស្ត្រ​ស្រុក​រវៀង និងស្រុកត្បែងមានជ័យ។ ការងារ​នេះ​មាន​គោលដៅ​បង្កើន​ល្បឿន និង​សុវត្ថិភាព​ដល់​ការ​ធ្វើ​ដំណើរ​របស់​ប្រជាពលរដ្ឋ។