ព័ត៌មានក្នុងខេត្ត

ថ្លែងនៅក្នុងឱកាសនោះ ឯកឧត្តម គីម រិទ្ធី បានសម្តែងនូវការកោតសរសើរ និងវាយតម្លៃខ្ពស់ចំពោះស្មារតីលះបង់ និងកិច្ចខិតខំប្រឹងប្រែងយ៉ាងសកម្មរបស់លោកគ្រូ-អ្នកគ្រូ ដែលបានខិតខំបណ្តុះបណ្តាល ផ្ទេរចំណេះដឹង និងតម្រង់ទិសសិស្សានុសិស្សនាពេលកន្លងមក ដើម្បីត្រៀមលក្ខណៈសម្បត្តិគ្រប់គ្រាន់ក្នុងការប្រឡងប្រជែងចំណេះដឹង។

នៅ​ថ្ងៃ​ទី​៣០ខែ កក្កដា ឆ្នាំ​២០២៦ នេះមានរៀបចំកិច្ចប្រជុំសាមញ្ញលើកទី២៦ របស់ក្រុមប្រឹក្សាខេត្ត អាណត្តិទី៤ ក្រោមអធិបតីភាព ឯកឧត្តម ប្រាក់ សុវណ្ណ ប្រធានក្រុមប្រឹក្សាខេត្ត និងឯកឧត្តម គីម រិទ្ធី អភិបាលខេត្តព្រះវិហារ ស្ថិតនៅសាលប្រជុំ​ប្រាសាទ​ព្រះវិហារ​អគាររដ្ឋបាលសាលាខេត្ត​ជាន់ទី៣។

ក្រសួងព័ត៌មាន រៀបចំកិច្ចប្រជុំតាមអនឡាញ ស្ដីពី «ការគ្រប់គ្រងគេហទំព័រមន្ទីរព័ត៌មានរាជធានី-ខេត្ត» ដើម្បីលើកកម្ពស់ប្រសិទ្ធភាពនៃការផ្សព្វផ្សាយ!

នាព្រឹកថ្ងៃទី២៧ ខែកក្កដា ឆ្នាំ២០២៦នេះ ឯកឧត្តម គីម រិទ្ធី អភិបាល នៃគណៈអភិបាលខេត្តព្រះវិហារ បានដឹកនាំគណៈប្រតិភូរដ្ឋបាលខេត្ត ចូលរួមក្នុងកម្មវិធីធ្វើបទបង្ហាញ និងផ្តល់បទសម្ភាសន៍ផ្ទាល់ជាមួយស្ថានីយវិទ្យុ និងទូរទស្សន៍មហាផ្ទៃ ហៅកាត់ MOI TV នៅទីស្តីការក្រសួងមហាផ្ទៃ ក្រោមប្រធានបទ «វឌ្ឍនភាពការងារប្រចាំឆមាសទី១ ឆ្នាំ២០២៦ និងទិសដៅការងារបន្តរបស់រដ្ឋបាលខេត្តព្រះវិហារ»។

បច្ចុប្បន្ននេះ ជំងឺគ្រុនឈាមកំពុងតែមានការកើនឡើងគួរឱ្យកត់សំគាល់ ដោយគិតត្រឹមសប្ដាហ៍ទី២៨នេះ ក្នុងខេត្តមានករណីឆ្លងជំងឺគ្រុនឈាមសរុប ៩១៤ ករណី (បានកើនឡើងខ្លាំងចាប់ពីសប្ដាហ៍ទី២៣ មក) ដោយតំបន់ដែលរាតត្បាតខ្លាំងរួមមាន ក្រុងព្រះវិហារ ស្រុកជាំក្សាន្ត ស្រុករវៀង និងស្រុកជ័យសែន។

អង្គការសកម្មភាពដើម្បីអភិវឌ្ឍន៍ (AFD) បានរៀបចំកិច្ចប្រជុំពិគ្រោះយោបល់ថ្នាក់ខេត្ត ស្តីពីការវាយតម្លៃភូមិសាស្ត្រ និងកំណត់អាទិភាពសម្រាប់កម្មវិធីយុទ្ធសាស្ត្ររបស់អង្គការជំនួយរបស់វិហារដាណឺម៉ាក (DCA) ឆ្នាំ២០២៧ - ២០៣១។

រដ្ឋបាលខេត្តព្រះវិហារ បានបើកកិច្ចប្រជុំបូកសរុបលទ្ធផលការងារប្រចាំឆមាសទី១ និងលើកទិសដៅផែនការសកម្មភាពបន្តសម្រាប់ឆមាសទី២ នៃការអនុវត្តគោលនយោបាយ «ភូមិ ឃុំ សង្កាត់មានសុវត្ថិភាព» របស់រដ្ឋបាលខេត្ត ក្រោមអធិបតីភាព ឯកឧត្តម អ៊ុ ម៉ារ៉ា រដ្ឋលេខាធិការក្រសួងមហាផ្ទៃ និងជាប្រធានក្រុមការងារត្រួតពិនិត្យ និងជំរុញការអនុវត្តគោលនយោបាយ «ភូមិ ឃុំ សង្កាត់មានសុវត្ថិភាព»។

ដើម្បីបង្ហាញពីមនោសញ្ចេតនាយកចិត្តទុកដាក់ និងខ្វល់ខ្វាយពីសុខទុក្ខរបស់បងប្អូនអ្នកសារព័ត៌មានដែលកំពុងបំពេញបេសកកម្មក្នុងខេត្តព្រះវិហារ កំពុងមានបញ្ហាសុខភាពនោះ នាព្រឹកថ្ងៃទី២៣ ខែកក្កដា ឆ្នាំ២០២៦នេះ លោកស្រី ហែម សុគុណពិសី ប្រធានមន្ទីរព័ត៌មានខេត្តព្រះវិហារ បានដឹកនាំក្រុមការងារ រួមនិងបងប្អូនអ្នកសារព័ត៌មានឯកជន ក្នុងខេត្តអញ្ជើញចុះសាកសួរសុខទុក្ខ និងនាំយកអំណោយជាគ្រឿងឧបភោគបរិភោគ ព្រមទាំងថវិកាមួយចំនួន ទៅប្រគល់ជូន លោក សួន ពិសិត អ្នកសារព័ត៌មាន អាស៊ីអាគ្នេយ៍ ប្រចាំខេត្តព្រះវិហារ ដែលកំពុងសម្រាកព្យាបាលជំងឺ នៅមន្ទីរពហុព្យាបាល និងសម្ភពព្រះវិហារ ស្ថិតក្នុងក្រុងព្រះវិហារ ខេត្តព្រះវិហារ។

រដ្ឋបាលខេត្តព្រះវិហារ បានរៀបចំកិច្ចប្រជុំត្រួតពិនិត្យពីវឌ្ឍនភាព និងបញ្ហាប្រឈម នៃការផ្តល់សេវារដ្ឋបាល ថ្នាក់ខេត្ត ក្រុង ស្រុក ឃុំ សង្កាត់ ក្រោមអធិបតីភាព ឯកឧត្តម គីម រិទ្ធី អភិបាល នៃគណៈអភិបាលខេត្ត នារសៀលថ្ងៃទី២២ ខែកក្កដា ឆ្នាំ២០២៦ នៅសាលប្រជុំសាលាខេត្តព្រះវិហារ។

ឯកឧត្តម អ៊ុំ ម៉ារ៉ា រដ្ឋលេខាធិការក្រសួងមហាផ្ទៃ និងជាប្រធានក្រុមការងារត្រួតពិនិត្យ និងជំរុញការអនុវត្តគោលនយោបាយ «ភូមិ ឃុំ សង្កាត់មានសុវត្ថិភាព» ស្ថិតក្នុងដែនសមត្ថកិច្ចក្រសួងមហាផ្ទៃ បានអញ្ជើញដឹកនាំកិច្ចប្រជុំបូកសរុបលទ្ធផលការងារប្រចាំឆមាសទី១ និងលើកទិសដៅផែនការសកម្មភាពបន្តសម្រាប់ឆមាសទី២ នៃការអនុវត្តគោលនយោបាយ «ភូមិ ឃុំ សង្កាត់មានសុវត្ថិភាព» របស់រដ្ឋបាលក្រុងព្រះវិហារ។

ការរៀបចំវេទិកានេះឡើង ក្នុងគោលបំណងពិគ្រោះយោបល់ និងឈ្វេងយល់អំពីវឌ្ឍនភាព និងបញ្ហាប្រឈមនានា ក្នុងការអនុវត្តសកម្មភាពនៅមូលដ្ឋាន ជា ពិសេសគឺការតម្រង់ទិសក្នុងការអនុវត្តតួនាទី ភារកិច្ច ស្របតាមគោលការណ៍ច្បាប់ លក្ខន្តិកៈអង្គការ សមាគម ការលើកកម្ពស់ភាព ជាដៃគូ និងកិច្ចសហប្រតិបត្តិការរួមគ្នាឱ្យកាន់តែល្អប្រសើរក្នុងការ អភិវឌ្ឍមូលដ្ឋានបន្ថែមទៀត។

ក្នុងស្មារតីយកចិត្តទុក្ខដាក់ និងការព្រួយបារម្មណ៌ចំពោះកុមារដែលងាយនឹងបោះបង់ការសិក្សាដោយសារកត្តាខ្វះខាត នៅព្រឹកថ្ងៃទី១៨ ខែកក្កដា ឆ្នាំ២០២៦នេះ លោកស្រី ហែម សុគុណពិសី ប្រធានមន្ទីរព័ត៌មានខេត្តព្រះវិហារ និងលោក ស៊ុន កុសល មេឃុំគូលែនត្បូង បានដឹកនាំក្រុមការងារនាំយកកង់ និងសម្ភារៈសិក្សា ប្រគល់ជូនដល់ដៃប្អូនៗកុមារដោយផ្ទាល់នៅគេហដ្ឋាន នៃមូលដ្ឋានឃុំគូលែនត្បូង ដើម្បីជាយានជំនិះក្នុងការធ្វើដំណើរ និងជាមធ្យោបាយបន្តការសិក្សារៀនសូត្រឱ្យកាន់តែងាយស្រួលជាងមុន។