ព័ត៌មានក្នុងខេត្ត

ឯកឧត្តម គីម រិទ្ធី អភិបាលខេត្តព្រះវិហារ បានអញ្ជើញចូលរួមក្នុង "ពិធីបើកយុទ្ធនាការ ១ម៉ឺនរៀល ១ម៉ឺននាក់" ឆ្នាំ២០២៦ និង "ពិធីសំណេះសំណាលជាមួយគណៈកម្មការទ្រទ្រង់មូលនិធិគន្ធបុប្ផាកម្ពុជា" ក្រោមអធិបតីភាពដ៏ខ្ពង់ខ្ពស់ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ប្រធានកិត្តិយសនៃមូលនិធិគន្ធបុប្ផាកម្ពុជា នៅសណ្ឋាគារ រ៉ាហ្វិល ឡឺ រ៉ូយ៉ាល់។

មន្ដ្រី ៤រូប នៃមន្ទីរព័ត៌មានខេត្តព្រះវិហារ បានចូលរួមវគ្គបណ្ដុះបណ្ដាលស្តីពី «ការប្រើប្រាស់ និងការការពារគេហទំព័រ» ដែលរៀបចំឡើងសម្រាប់មន្ត្រីក្រសួងព័ត៌មាន និងមន្ត្រីមន្ទីរព័ត៌មានរាជធានី ខេត្តទាំង២៥។ វគ្គបណ្ដុះបណ្ដាលនេះត្រូវបានរៀបចំឡើងក្រោមកិច្ចសហការយ៉ាងជិតស្និទ្ធរវាងក្រសួងព័ត៌មាន ជាមួយក្រសួងប្រៃសណីយ៍ និងទូរគមនាគមន៍ ដែលមានរយៈពេល ០២ថ្ងៃ ចាប់ពីថ្ងៃទី១៨ ដល់ថ្ងៃទី១៩ ខែឧសភា ឆ្នាំ២០២៦ នៅទីស្ដីការក្រសួងព័ត៌មាន។

រដ្ឋបាលខេត្តព្រះវិហារ បានរៀបចំកិច្ចប្រជុំសាមញ្ញលើកទី២៤ របស់ក្រុមប្រឹក្សាខេត្ត អាណត្តិទី៤ ក្រោមអធិបតីភាព ឯកឧត្តម ប្រាក់ សុវណ្ណ ប្រធានក្រុមប្រឹក្សាខេត្ត និងលោក មិន ស៊ីថា អភិបាលរងខេត្ត ដែលបានធ្វើឡើងនៅសាលប្រជុំអគាររដ្ឋបាលសាលាខេត្តព្រះវិហារ។

រដ្ធបាលខេត្តព្រះវិហារបានប្រារព្ធពិធីអបអរសាទរ ខួបលេីកទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ០៨​ ឧសភា ឆ្នាំ២០២៦ ក្រោមប្រធានបទ "បន្តរួមកម្លាំងគ្នា ដេីម្បីមនុស្សធម៌" ក្រោមអធិបតីភាព ឯកឧត្តម ម៉ៅ សុផាន់ ប្រធានក្រុមកាងាររាជរដ្ធាភិបាលចុះមូលដ្ធានខេត្តព្រះវិហា និងជាប្រធានកិត្តិយស សាខាកាកបាទក្រហមកម្ពុជាខេត្ត។

​ឯកឧត្តម គីម រិទ្ធី អភិបាលនៃគណៈអភិបាលខេត្តព្រះវិហារ បាននាំយកសាលិខិតរំលែកមរណទុក្ខ និងបច្ច័យ ចូលរួមក្នុងកម្មវិធីបុណ្យឈាបនកិច្ចសព លោក អាន សារិទ្ធ អនុប្រធានការិយាល័យទីភ្នាក់ងារសារព័ត៌មានកម្ពុជា (AKP)  នៃមន្ទីរព័ត៌មានខេត្តព្រះវិហារ នៅគេហដ្ឋាននៃសព ស្ថិតក្នុងភូមិគោកបេង សង្កាត់កំពង់ប្រណាក ក្រុងព្រះវិហារ។

ថ្នាក់ដឹកនាំ មន្ដ្រីរាជការ កងកម្លាំងប្រដាប់អាវុធ លោកគ្រូ អ្នកគ្រូ សិស្សានុសិស្ស យុវជន ព្រមទាំងបងប្អូនប្រជាពលរដ្ឋក្នុងខេត្តព្រះវិហារយ៉ាងច្រើនកុះករ បានជួបជុំគ្នាប្រារព្ធ «ទិវាជាតិនៃការចងចាំ ២០ ឧសភា» ដើម្បីឧទ្ទិសកុសលជូនដល់វិញ្ញាណក្ខន្ធប្រជាជនរងគ្រោះស្លូតត្រង់ ដែលបានបាត់បង់ជីវិតយ៉ាងអយុត្តិធម៌ក្នុងរបបប្រល័យពូជសាសន៍ ប៉ុល ពត (១៩៧៥-១៩៧៩) និងដើម្បីដាស់តឿនក្រើនរំលឹកស្មារតីកូនខ្មែរគ្រប់រូប ឱ្យយល់ច្បាស់ពីតម្លៃនៃ «សន្តិភាព» ដែលរកបានមកដោយលំបាក។

តាងនាមថ្នាក់ដឹកនាំ និងមន្ត្រីរាជការនៃក្រសួងព័ត៌មាន បានផ្ញើរសារលិខិតរំលែករំលែកមរណទុក្ខជូនចំពោះ លោកស្រី យឹម ស្រីពៅ ព្រមទាំងក្រុមគ្រួសារ របស់លោក អាន សារិទ្ធ អនុប្រធានការិយាល័យនៃមន្ទីរព័ត៌មានខេត្តព្រះវិហារ ដែរបានទទួលមរណភាព នាថ្ងៃអង្គារ ៣កើត ខែជេស្ឋ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី ១៩ ខែឧសភា ឆ្នាំ២០២៦ វេលាម៉ោង ០៤:៣៩ នាទីរសៀល ក្នុងជន្មាយុ ៣៣ឆ្នាំ ដោយរោគាពាធ។

លោកស្រី ហែម សុគុណពិសី ប្រធានមន្ទីរព័ត៌មានខេត្តព្រះវិហារ ព្រមទាំងថ្នាក់ដឹកនាំ និងមន្ត្រីរាជការនៃមន្ទីរព័ត៌មាន បានអញ្ជើញចុះសាកសួរសុខទុក្ខ និងនាំយកថវិកាឧបត្ថម្ភរបស់ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន ទៅប្រគល់ជូន លោក អាន សារិទ្ធ មន្ត្រីបម្រើការងារនៅមន្ទីរព័ត៌មានខេត្តព្រះវិហារ ដែលបច្ចុប្បន្នកំពុងសម្រាកព្យាបាលជំងឺនៅគេហដ្ឋាន ស្ថិតក្នុងភូមិគោកបេង សង្កាត់កំពង់ប្រណាក ក្រុងព្រះវិហារ ខេត្តព្រះវិហារ។

សូមគោរពជម្រាបជូនដំណឹងដល់ សម្តេច ឯកឧត្តម លោកជំទាវ លោក លោកស្រី និងញាតិមិត្តជិតឆ្ងាយទាំងអស់ឱ្យបានជ្រាបថា ​កម្មវិធីបុណ្យសព លោក អាន សារិទ្ធ មន្ដ្រីនៃមន្ទីរព័ត៌មានខេត្តព្រះវិហារ នឹងត្រូវធ្វើពិធីរំកិលសពលើកដាក់តម្កល់លើស្ថានមេរុ (មេន) នៅវេលាម៉ោង ៣:០០រសៀល ហើយពិធីឈាបនកិច្ច (បូជាសព) នឹងប្រព្រឹត្តទៅនៅវេលាម៉ោង ៦:០០ល្ងាច ថ្ងៃទី២០ ខែឧសភា ឆ្នាំ២០២៦នេះ ដែលរៀបចំឡើងនៅគេហដ្ឋាននៃសព ស្ថិតក្នុងភូមិគោកបេង សង្កាត់កំពង់ប្រណាក ក្រុងព្រះវិហារ។

ក្រុមការងារនៃមជ្ឈមណ្ឌលសកម្មភាពកំចាត់មីនកម្ពុជា (CMAC) កំពុងបន្តធ្វើការរុករកសំណល់ជាតិផ្ទុះ នៅបរិវេណប្រាសាទព្រះវិហារ ដែលប្រាសាទនេះត្រូវបានចុះបញ្ជីជាសម្បត្តិបេតិកភណ្ឌពិភពលោកនេះ ស្ថិតក្នុងស្រុកជាំក្សាន្ត។

និស្សិតសាលាភូមិន្ទវិចិត្រសិល្បៈ (RUFA) ធ្វើដំណើរទស្សនកិច្ចសិក្សានៅតំបន់ប្រាសាទបាកាន (ប្រាសាទព្រះខ័ន កំពង់ស្វាយ) ស្ថិតក្នុងស្រុកសង្គមថ្មី ខេត្តព្រះវិហារ កាលពីថ្ងៃទី១២ ខែឧសភា ឆ្នាំ២០២៦។ តំបន់ប្រវត្តិសាស្ត្រប្រាសាទបាកានស្វាគមន៍យ៉ាងកក់ក្តៅចំពោះវត្តមានក្រុមប្រតិភូ លោកគ្រូ អ្នកគ្រូ និងនិស្សិតមកពីសាលាភូមិន្ទវិចិត្រសិល្បៈ (RUFA) ក្នុងដំណើរទស្សនកិច្ចសិក្សាឈ្វេងយល់ពីមរតកដូនតា។ ដំណើរទស្សនកិច្ចនេះ ធ្វើឡើងក្នុងគោលបំណងផ្សារភ្ជាប់ទ្រឹស្តីនៅក្នុងថ្នាក់រៀន ទៅនឹងការសិក្សាស្រាវជ្រាវជាក់ស្តែងនៅលើទឹកដីប្រវត្តិសាស្ត្រដ៏មានតម្លៃ ដើម្បីឱ្យនិស្សិតសិល្បៈជំនាន់ក្រោយ បានស្វែងយល់កាន់តែស៊ីជម្រៅអំពីស្ថាបត្យកម្ម ចម្លាក់ និងព្រលឹងវប្បធម៌ខ្មែរនាសម័យបុរាណ។ យោងតាមទិន្នន័យទទួលបានពីមន្ត្រីប្រចាំការនៅរមណីយដ្ឋានប្រាសាទព្រះខ័ន ក្នុងថ្ងៃទី១២ ខែឧសភា ភ្ញៀវជាតិចូលទស្សនាចំនួន ២៧៥ នាក់ ស្រី ១៥០ នាក់ ភ្ញៀវអន្តរជាតិ ០២ នាក់៕ ប្រភពពីមន្ទីរវប្បធម៌ខេត្តព្រះវិហារ

បទយកការណ៍៖ ការរក្សាមរតក «សូត្រដៃ» របស់អ្នកស្រុកគូលែន ជាមុខរបរដែលមនុស្សភាគច្រើនថាពិបាក តែនៅមានស្ដ្រីវ័យក្មេងម្នាក់សម្រេចចិត្តបន្តវេន ដើម្បីរក្សាមុខរបរប្រពៃណីនេះមិនឱ្យបាត់បង់!