ព័ត៌មានក្នុងខេត្ត

ករណីអគ្គីភ័យដ៏គួរឱ្យរន្ធត់មួយបានកើតឡើង បណ្តាលឱ្យឆាបឆេះផ្ទះសម្បែងរបស់ប្រជាពលរដ្ឋអស់ចំនួន ០២ខ្នងយ៉ាងដំណំ និងបង្កឱ្យមានការខូចខាតទ្រព្យសម្បត្តិសម្ភារៈប្រើប្រាស់ជាច្រើន។ ហេតុការណ៍នេះបានកើតឡើងកាលពីវេលាម៉ោង១៣ និង០០នាទី រសៀលថ្ងៃទី៣០ ខែមិថុនា ឆ្នាំ២០២៦នេះ ដែលមានទីតាំងស្ថិតនៅភូមិស្ថាពរ សង្កាត់ប៉ាលហាល ក្រុងព្រះវិហារ ខេត្តព្រះវិហារ។

ការរៀបចំផែនការសកម្មភាពផ្សព្វផ្សាយអំពីក្របខណ្ឌយុទ្ធសាស្ត្រកម្ពុជា ឆ្នាំ២០ core២៤-២០៣០ គឺផ្តល់ជាប្រយោជន៍យ៉ាងធំធេងសម្រាប់រដ្ឋបាលថ្នាក់ក្រោមជាតិ ពិសេសមន្ទីរ-អង្គភាព និងរដ្ឋបាលក្រុង-ស្រុកទាំងអស់ ក្នុងការរួមគ្នាពិចារណាដាក់បញ្ចូលសូចនាករគន្លឹះៗ ទៅក្នុងផែនការអភិវឌ្ឍន៍ និងកម្មវិធីវិនិយោគបីឆ្នាំរំកិល ឬបង្កើតជាផែនការសកម្មភាពដាច់ដោយឡែក សម្រាប់តាមដានការអនុវត្តកម្មវិធីសកម្មភាព នៃសន្និសីទអន្តរជាតិស្តីពីប្រជាជន និងអភិវឌ្ឍន៍ឱ្យមានប្រសិទ្ធភាពខ្ពស់។

Video in side៖ យុវជន ហ៊ុំ ម៉េងហួ សិស្សវិទ្យាល័យរវៀង បានសម្ដែងនូវក្ដីរីករាយដែលបានចូលរួមក្នុងយុទ្ធនាការ <និយាយថាទេ ចំពោះព័ត៌មានក្លែងក្លាយ ជំហានទី២> ដែលជាវេទិការតម្រង់ទិសដល់យុវជន ជាសិស្សានុសិស្ស បានយល់ដឹងពីផលប៉ះពាល់នៃព័ត៌មានក្លែងក្លាយ!

Video in side៖ យុវតី រ៉េត ឡៃហ៊ីម ជាយុវសិស្សវិទ្យាល័យរវៀង លើកឡើងថាក្នុងនាមយើងជាយុវវ័យដើរទាន់សម័យ មុននឹងធ្វើការផ្សព្វផ្សាយព័ត៌មានអ្វីមួយគួរតែព្យាយាមស្វែងយល់ពីប្រភពច្បាស់លាស់ជាមុនសិន ជៀសវាងការផ្សព្វផ្សាយព័ត៌មានមិនពិត ធ្វើអោយសង្គមវឹកវរ!

វគ្គ​អប់រំនយោបាយរបស់គណបក្សជំនាន់ទី១៨ មានរយៈពេលរៀន ០៣ថ្ងៃជាប់គ្នា ដោយ បានចាប់ផ្តើមពីថ្ងៃទី២៦ ដល់ថ្ងៃទី២៨ ខែមិថុនា ឆ្នាំ២០២៦ ដែលមានសមាសភាពចូលរួមរៀនសូត្រ មានចំនួនសរុប ៦១នាក់ ស្រី ១៣នាក់។

តើលោកអ្នកដឹងទេថា ហេតុអ្វីបានជាទីនេះមានឈ្មោះថា «វត្តតាំងយូរ»? ផ្អែកតាមប្រវត្តិរឿងរ៉ាវតាំងពីបុរមបុរាណដូនតាមក ឈ្មោះដ៏មានអត្ថន័យនេះ គឺត្រូវបានហៅសម្គាល់ទៅតាមទម្រង់នៃផ្ទាំងថ្មធម្មជាតិដ៏ធំអស្ចារ្យមួយដុំ ដែលដុះឡើងមានរបៀបរៀបរយដូចជា «ឆ័ត្រ» យ៉ាងដូច្នោះដែរ។

ថ្លែងនៅក្នុងឱកាសនោះ ឯកឧត្តម គីម រិទ្ធី បានពាំនាំនូវប្រសាសន៍ផ្តាំផ្ញើសាកសួរសុខទុក្ខដោយក្តីនឹករលឹកបំផុតពីសំណាក់ សម្តេចតេជោ និងសម្តេចកិត្តិព្រឹទ្ធបណ្ឌិត ផ្ញើជូនបងប្អូនប្រជាពលរដ្ឋទាំងអស់ ដែលជានិច្ចកាល សម្តេចទាំងទ្វេ តែងតែយកចិត្តទុកដាក់ និងគិតគូរជាប្រចាំចំពោះសុខទុក្ខ និងការរស់នៅរបស់បងប្អូន ដោយមិនដែលបោះបង់ចោលប្រជាពលរដ្ឋណាម្នាក់ ទោះបីជាស្ថិតក្នុងកាលៈទេសៈណាក៏ដោយ។

ស្គាល់ទេ! នេះជាសត្វ «ចាបសួគ៌ខៀវ» (Black-naped Monarch) ដែលកំពុងបង្ហាញខ្លួនយ៉ាងស្រស់ស្អាត និងបង្ហាញពីក្តីស្រឡាញ់ដ៏ធំធេងក្នុងការក្រាបថែទាំពងកូននៅក្នុងសម្បុករបស់ខ្លួន ដែលត្រូវបានថតជាប់ផ្ទាល់នៅក្បែរវត្តតាំងយូរ ក្នុងសហគមន៍តំបន់ការពារធម្មជាតិតាំងយូរ នៃតំបន់បេតិកភណ្ឌធម្មជាតិ «ភ្នំត្បែងមានជ័យ» ខេត្តព្រះវិហារ។

​ការចាប់ឆ្នោតជ្រើសរើសលេខផ្ទះនាឱកាសនេះ គឺជាការអនុវត្តសកម្មភាពជាបន្តបន្ទាប់ ហើយក្នុងជំហានទី៣នេះ មានផ្ទះសរុបចំនួន ១០២ខ្នងផ្ទះបន្ថែមទៀត ត្រូវបានសាងសង់រួចរាល់ជាស្ថាពរ និងរៀបចំពិធីចាប់ឆ្នោតប្រគល់ជូនទៅដល់ដៃបងប្អូនប្រជាពលរដ្ឋភៀសសឹកដែលកំពុងមានតម្រូវការចាំបាច់។

នៅព្រឹកថ្ងៃទី២៦ ខែមិថុនា ឆ្នាំ២០២៦ គណៈឃោសនាអប់រំនៃគណៈកម្មាធិការគណបក្សខេត្តបើកវគ្គអប់រំនយោបាយជំនាន់ទី១៨ដល់មន្ត្រីគណបក្សស្រុកគូលែន ក្រោមអធិបតី ឯកឧត្តម ខូយ ឃុនហ៊ អនុប្រធានគណៈកម្មាធិការគណបក្សខេត្ត និងជាប្រធានគណៈប្រចាំការនៃគណៈអចិន្ត្រៃយ៍គណបក្សខេត្ត នៅស្នាក់ការគណបក្សស្រុកគូលែន។

ក្រុមការងារនៃអង្គភាពគ្រប់គ្រងកម្មវិធីអភិវឌ្ឍន៍ និងធ្វើឱ្យប្រសើរឡើងលើវិស័យផ្គត់ផ្គង់ទឹកស្អាត និងអនាម័យជនបទប្រកបដោយនិរន្តរភាព ដឹកនាំដោយ លោក ទិត្យ សុផា អគ្គាធិការរង និងជានាយកកម្មវិធី រួមជាមួយ លោក យ៉ា សំអុល ប្រធានក្រុមបេសកកម្មធនាគារអភិវឌ្ឍន៍អាស៊ី (ADB) បានអញ្ជើញចុះពិនិត្យមើលពីវឌ្ឍនភាពការងារអនុវត្តគម្រោងផ្គត់ផ្គង់ទឹកស្អាត និងអនាម័យជនបទ នៅក្នុងភូមិសាស្ត្រខេត្តព្រះវិហារ។

ឯកឧត្តម ប្រាក់ សុវណ្ណ និងឯកឧត្តម គីម រិទ្ធី ថ្នាក់ដឹកនាំខេត្តព្រះវិហារ បានចូលរួមកិច្ចប្រជុំពេញអង្គគណៈរដ្ឋមន្ត្រី តាមប្រព័ន្ធ Zoom ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដើម្បីពិភាក្សាលើរបៀបវារៈសំខាន់ៗមួយចំនួន។