នៅថ្ងៃទី១១ ខែកញ្ញា ឆ្នាំ២០២៦ គណៈឃោសនាអប់រំខេត្តព្រះវិហារ បានបើកកិច្ចប្រជុំការងារឃោសនាអប់រំផ្សព្វផ្សាយឯកសារជំនួយស្មារតី និងសភាពការណ៍ខែសីហា និងដាក់ចេញទិសដៅបន្តខែកញ្ញា ក្រោម អធិបតីភាព ឯកឧត្តម មាស រដ្ឋាវុឌ្ឍ សមាជិកគណៈអចិន្ត្រៃយ៍ និងជាប្រធានគណៈឃោសនាអប់រំខេត្ត កិច្ចប្រជុំនេះក៏មានការអញ្ជើញចូលរួមពីសំណាក់ លោក លោកស្រី ប្រធានគណៈកម្មាធិការមូលដ្ឋាន លោក លោកស្រី ប្រធានសាខាបក្សជុំវិញខេត្ត នៅសាលប្រជុំវឌ្ឍនភាព នៃស្នាក់ការគណបក្សខេត្ត។

នាព្រឹកថ្ងៃទី០៤ ខែកញ្ញា ឆ្នាំ២០២៦ នៅស្នាក់ការគណបក្សស្រុកគូលែនបានរៀបចំពិធីបញ្ចុះបឋមសិលាសាងសង់អគារសាលប្រជុំរបស់គណបក្សស្រុកគូលែន ដែលជាអំណោយដ៏ថ្លៃថ្លា របស់ឯកឧត្តម ម៉ៅ សុផាន់ ប្រធានក្រុមការងារថ្នាក់កណ្តាលចុះមូលដ្ឋានខេត្តព្រះវិហារ ពិធី​នេះ​ប្រព្រឹត្ត​ទៅ​ក្រោមអធិបតីភាព ឯកឧត្តម​ សួស សុខដារ៉ា ប្រធានក្រុមការងារគណបក្សខេត្ត​ចុះមូលដ្ឋានស្រុកគូលែន និងមានការអញ្ជើញចូលរួមពីសំណាក់ ឯកឧត្តម លោកជំទាវ​លោក​លោកស្រី​ជា​ សមាជិកគណៈអចិន្ត្រៃយ៍ គណបក្ស​ខេត្ត  គណៈកម្មាធិការបក្សស្រុក សមាជិក សមាជិកា និងឧបាសក ឧបាសិកាជាច្រើនរូបទៀត។​

ឯកឧត្តមបណ្ឌិត ម៉ិញ បានកុសល ប្រធានយុវជនគណបក្សប្រជាជនកម្ពុជា ប្រចាំអគ្គនាយកដ្ឋានពន្ធដារ បានដឹកនាំប្រតិភូនាំយកអំណោយជាគ្រឿងឧបភោគ បរិភោគ ដែលជាអំណោយរបស់យុវជនគណបក្សប្រជាជនកម្ពុជា នៃអគ្គនាយកដ្ឋានពន្ធដារ ប្រគល់ជូនរដ្ឋបាលខេត្តព្រះវិហារ នៅបរិវេណសាលាខេត្តព្រះវិហារ ដើម្បីចែកជូនប្រជាជនភៀសសឹកនៅ ភូមិតាកឹងបៃតង ក្នុងស្រុកគូលែន ខេត្តព្រះវិហារ។

នារសៀលថ្ងៃទី១៦ ខែសីហា ឆ្នាំ២០២៦ គណៈឃោសនាអប់រំគណបក្សប្រជាជនកម្ពុជា ខេត្តព្រះវិហារ បានរៀបចំពិធីបិទវគ្គអប់រំនយោបាយ ជំនាន់ទី១៩ និងប្រគល់វិញ្ញាបនបត្រជូនដល់សិក្ខាកាមជាមន្ត្រីគណបក្សស្រុកឆែប ក្រោមអធិបតីភាព លោក សំ លាងទ្រី សមាជិកគណៈអចិន្ត្រៃយ៍ គណៈកម្មាធិការខេត្ត និងជាប្រធានក្រុមការងារគណបក្សចុះជួយមូលដ្ឋានស្រុកឆែប, លោក មិន ស៊ីថា អនុប្រធានទី១ ក្រុមការងារគណបក្សចុះមូលដ្ឋានស្រុកឆែប និងឯកឧត្តម មាស រដ្ឋាវុឌ្ឍ ប្រធានគណៈឃោសនាអប់រំគណបក្សខេត្តព្រះវិហារ ព្រមទាំងមានការអញ្ជើញចូលរួមពីសំណាក់ ឯកឧត្តម លោកជំទាវ លោក លោកស្រី ប្រធាន អនុប្រធាន សមាជិក សមាជិកា គណៈកម្មាធិការគណបក្សខេត្ត និងក្រុមការងារចុះមូលដ្ឋានស្រុកឆែប ព្រមទាំងសិក្ខាកាមសរុប ៥៩រូប។

នាព្រឹកថ្ងៃទី១៥ ខែសីហា​ ឆ្នាំ២០២៦ នៅស្នាក់ការគណបក្សស្រុកគូលែនបានរៀបចំកិច្ចប្រជុំផ្សព្វផ្សាយសេចក្តីសម្រេចស្តីពីផែនការរួមឆ្ពោះទៅការបោះឆ្នោតជ្រើសរើសក្រុម ប្រឹក្សាឃុំ សង្កាត់អាណត្តិទី៦ ឆ្នាំ២០២៧ ក្រោមអធិបតីភាព ឯកឧត្តម​ សួស សុខដារ៉ា ប្រធានក្រុមការងារគណបក្សខេត្ត​ចុះមូលដ្ឋានស្រុកគូលែន និងមានការអញ្ជើញចូលរួមពីសំណាក់ ឯកឧត្តម លោកជំទាវ សមាជិកគណៈអចិន្ត្រៃយ៍ខេត្ត លោក លោកស្រី គណៈកម្មាធិការបក្សខេត្ត គណកម្មធិការបក្សស្រុក និងសមាជិក សមាជិកាជាច្រើនរូបទៀត។​

នាព្រឹកថ្ងៃទី១៤ ខែសីហា ឆ្នាំ២០២៦ គណៈឃោសនាអប់រំគណបក្សប្រជាជនកម្ពុជា ខេត្តព្រះវិហារ បានរៀបចំពិធីបើក «វគ្គអប់រំនយោបាយ ជំនាន់ទី១៩» ជូនដល់មន្ដ្រីគណបក្សស្រុកឆែប ក្រោមអធិបតីភាព ឯកឧត្តម តូច វង្ស សមាជិកគណៈអចិន្ត្រៃយ៍ នៃគណៈកម្មាធិការគណបក្សខេត្ត តំណាង ឯកឧត្តម ប្រាក់ សុវណ្ណ សមាជិកគណៈកម្មាធិការកណ្តាល និងជាប្រធានគណបក្សប្រជាជនកម្ពុជា ខេត្តព្រះវិហារ។