ព័ត៌មានក្នុងខេត្ត

នាព្រឹកថ្ងៃទី០១ ខែតុលា ឆ្នាំ២០២៦ រដ្ឋបាលខេត្តព្រះវិហារបានរៀបចំកិច្ចប្រជុំស្តីពី «ការរៀបចំសន្តិសុខ សុវត្ថិភាព និងសណ្តាប់ធ្នាប់នៅលើខ្នងភ្នំត្បែង» ក្នុងគោលបំណងពិភាក្សា និងកែសម្រួលការងារសន្តិសុខ សណ្តាប់ធ្នាប់នៅតាមតំបន់ធម្មជាតិ ពិសេសខ្នងភ្នំត្បែង។

ការស្ថាបនាស្ពាន និងផ្លូវ គឺជាអាទិភាពមួយនៃកិច្ចការអភិវឌ្ឍន៍ហេដ្ឋារចនាសម្ព័ន្ធ នៅតាមមូលដ្ឋាន ដែលជួយសម្រួលដល់ការធ្វើដំណើរ ការដឹកជញ្ជូនកសិផល និងការភ្ជាប់ទំនាក់ទំនងរវាងសហគមន៍នៅតំបន់ជនបទ។

នៅព្រឹកថ្ងៃទី០១ ខែតុលា ឆ្នាំ២០២៦នេះ ក្រុមចលនាស្ត្រីនៃគណៈចលនាមហាជនគណៈកម្មាធិការបក្សខេត្តរៀបចំពិធីបុណ្យទក្ខិណានុប្បទាន ដើម្បីឧទ្ទិសកុសលផលបុណ្យជូនបុព្វការីជនគណបក្សប្រជាជនកម្ពុជា និងវីរកងទ័ពដែលបានពលីក្នុងបុព្វហេតុការពារជាតិមាតុភូមិ។

ស្ថានភាពទឹកនៅតាមដងស្ទឹងសែន ក្នុងភូមិសាស្ត្រក្រុងព្រះវិហារ គិតត្រឹមព្រឹកថ្ងៃទី៣០ ខែកញ្ញា ឆ្នាំ២០២៦ នេះ មិនទាន់ឈានដល់កម្រិតប្រកាសអាសន្ននៅឡើយទេ ដោយកម្ពស់ទឹកបានកើនឡើងដល់ ១១ ម៉ែត្រ ខណៈកម្រិតត្រូវប្រកាសអាសន្នគឺ ១២ ម៉ែត្រ។

នាព្រឹកថ្ងៃទី២៩ ខែកញ្ញា ឆ្នាំ២០២៦ ក្រុមប្រឹក្សាខេត្តព្រះវិហារ បានរៀបចំកិច្ចប្រជុំសាមញ្ញលើកទី២៨ អាណត្តិទី៤ ក្រោមអធិបតីភាព ឯកឧត្តម ប្រាក់ សុវណ្ណ ប្រធានក្រុមប្រឹក្សាខេត្ត និង លោក មិន ស៊ីថា អភិបាលខេត្តស្តីទី ដោយមានការអញ្ជើញចូលរួមពីសំណាក់ ឯកឧត្តម លោកជំទាវ សមាជិកក្រុមប្រឹក្សាខេត្ត ប្រធានសាលាដំបូងខេត្ត ព្រះរាជអាជ្ញា មេបញ្ជាការកងកម្លាំងទាំងបី ប្រធានពន្ធនាគារខេត្ត ព្រមទាំងថ្នាក់ដឹកនាំមន្ទីរ-អង្គភាពជុំវិញខេត្តជាច្រើនរូបទៀត ។

នាព្រឹកថ្ងៃទី២៩ ខែកញ្ញា ឆ្នាំ២០២៦នេះ  វិទ្យាស្ថានជាតិស្ថិតិ និងមន្ទីរផែនការខេត្តព្រះវិហារ បានរៀបចំវគ្គបណ្តុះបណ្តាលស្តីពី«ការវិភាគទិន្នន័យស្ថិតិតាមតំបន់ដោយប្រើប្រាស់កម្មវិធី STATA» ចាប់ពីថ្ងៃទី២៩ ខែកញ្ញា ដល់ថ្ងៃទី០២ ខែតុលា ឆ្នាំ២០២៦ ក្រោមអធិបតីភាព លោក លឹម ពេញ នាយករងវិទ្យាស្ថានជាតិស្ថិតិនៃក្រសួងផែនការ តំណាងឯកឧត្តម ណោ វ៉ាន់ឌី នាយកវិទ្យាស្ថានជាតិស្ថិតិ ដោយមានការចូលរួមពីសំណាក់លោកស្រី ស៊ាន សុគីន ប្រធានមន្ទីរផែនការខេត្តព្រះវិហារ និងសហការីមកពីវិទ្យាស្ថានស្ថិតិ សិក្ខាកាមនៃមន្ទីរផែនការ និងមន្ទីរជំនាញដែលពាក់ព័ន្ធជាច្រើនរូបទៀត នៅសាលប្រជុំមន្ទីរផែនការខេត្តព្រះវិហារ។

កិច្ចប្រជុំ​ពិភាក្សាអំពីដំណើការកិច្ចសហប្រតិបត្តិការ រវាងអង្គការបណ្តាញទូរស័ព្ទជំនួយកុមារកម្ពុជា និងមន្ទីរព័ត៌មាន ខេត្តព្រះវិហារ ក្រោមអធិបតីភាព លោកស្រី ហែម សុគុណពិសី ប្រធានមន្ទីរព័ត៌មាន​ខេត្ត ដោយមានការអញ្ជើញចូលរួមពីសំណាក់ អនុប្រធានមន្ទីរ ថ្នាក់ដឹកនាំ​ការិយាយទាំង៥ នៃមន្ទីរព័ត៌មានខេត្ត និង អង្គការបណ្តាញទូរស័ព្ទជំនួយកុមារកម្ពុជា។

នៅថ្ងៃទី២៨ ខែ កញ្ញា ឆ្នាំ២០២៦ មន្ទីរព័ត៌មានខេត្តព្រះវិហារក្រោមការដឹកនាំរបស់លោកស្រី ហែម សុគុណពិសី ប្រធានមន្ទីរព័ត៌មាននិងមន្ត្រីរាជការក្រោមឱវាទ រួមជាមួយពុទ្ធបរិស័ទភូមិ ទួលចន្ទីបានអញ្ជើញចូលរួមពិធីសូត្រមន្ត និងរាប់បាត្រឆ្លងបុណ្យកាន់បិណ្ឌវេនទី២ នៃពិធីបុណ្យកាន់បិណ្ឌ និងភ្ជុំបិណ្ឌ ព្រមទាំងបាននាំយកនូវទេយ្យទាន គ្រឿងឧបភោគបរិភោគ បច្ច័យ ទៅវេរប្រគេនដល់ព្រះសង្ឃ គង់នៅវត្តឦសានគីរីសាមគ្គីមានជ័យ ហៅវត្តប្រយុទ្ធ ស្ថិតក្នុងភូមិហ្មងសែត សង្កាត់ប៉ាលហាលក្រុងព្រះវិហារ ខេត្តព្រះវិហារ។

ក្នុងរដូវកាលនៃពិធីបុណ្យកាន់បិណ្ឌ និងភ្ជុំបិណ្ឌនេះ បរិយាកាសនៅតាមបណ្តាវត្តអារាមនានា ក្នុងខេត្តព្រះវិហារ ត្រូវបានរៀបចំឡើងយ៉ាងអធិកអធម និងកុះករជាខ្លាំង ស្របតាមប្រពៃណីជាតិដ៏ធំរបស់ជាតិខ្មែរ។

អមដោយទស្សនីយភាពជើងភ្នំត្បែងដ៏ស្កឹមស្កៃ និងជ្រលងធម្មជាតិដ៏ស្រស់ត្រកាល «ផ្ទះលំ ហែអាកាសាភ្នំត្បែង» នាចុងសប្តាហ៍នេះ បានប្រែក្លាយទៅជាឋានសួគ៌លំហែកាយយ៉ាងស្និទ្ធស្នាល តាមរយៈការរៀបចំ «ព្រឹត្តិការណ៍បុណ្យភ្នំ» រយៈពេល ៣ថ្ងៃ ចាប់ពីថ្ងៃទី២៦ ដល់ថ្ងៃទី២៨ ខែកញ្ញានេះ។

នាពេលរសៀល ថ្ងៃទី២៧ ខែ កញ្ញា ឆ្នាំ២០២៦ អភិបាលរងខេត្តព្រះវិហារ លោក គឹម ចាន់បញ្ញា និង លោក ហុក សុផល  ព្រមទាំងក្រុមការងារ បានអញ្ជើញចូលរួមពិធីសូត្រមន្ត ចូលកាន់បិណ្ឌវេនទី២ នៃពិធីបុណ្យកាន់បិណ្ឌ និងភ្ជុំបិណ្ឌ ព្រមទាំងបាននាំយកនូវទេយ្យទាន គ្រឿងឧបភោគបរិភោគ បច្ច័យ ទៅវេរប្រគេនដល់ព្រះសង្ឃ គង់នៅវត្តទួលឧត្តម ហៅវត្តប្រមេរុ ស្ថិតក្នុងភូមិប្រមេរុ ឃុំប្រមេរុ ស្រុកត្បែងមានជ័យ ខេត្តព្រះវិហារ។

បទយកការណ៍៖ «ប្រពៃណីវេចនំអន្សម» រក្សាបាននូវអត្តសញ្ញាណវប្បធម៌ជាតិខ្មែរ និងលើកកម្ពស់ជីវភាពប្រជាពលរដ្ឋក្នុងសហគមន៍!