ឯកឧត្តម គីម រិទ្ធី អភិបាលខេត្តព្រះវិហារ នៅថ្ងៃទី១១ ខែវិច្ឆិកា ឆ្នាំ២០២៦ បានទទួលជួបសម្តែងការគួរសម និងពិភាក្សាការងារជាមួយគណៈប្រតិភូការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សប្រចាំកម្ពុជា (OHCHR) ដែលដឹកនាំដោយលោក Daniel Collinge មន្ត្រីសិទ្ធិមនុស្សនៃការិយាល័យ OHCHR នៅសាលប្រជុំសាលាខេត្តព្រះវិហារ។
ឯកឧត្តម គីម រិទ្ធី អភិបាល នៃគណៈអភិបាលខេត្តព្រះវិហារ បានដឹកនាំក្រុមការងារចុះពិនិត្យជាក់ស្តែងអំពីដំណើរការផ្គត់ផ្គង់ និងប្រមូលទិញផលស្រូវសរីរាង្គតាមកិច្ចសន្យា រវាងក្រុមហ៊ុនបញ្ជាទិញ និងសហគមន៍កសិកម្មភ្នំពេជ្របុរី ដែលមានទីតាំងស្ថិតនៅឃុំភ្នំពេញ ស្រុកគូលែន ខេត្តព្រះវិហារ។
នារសៀលថ្ងៃទី១១ ខែវិច្ឆិកា ឆ្នាំ២០២៦ ឯកឧត្តម គីម រិទ្ធី អភិបាលខេត្តព្រះវិហារ អមដំណើរដោយអភិបាលរងខេត្ត ថ្នាក់ដឹកនាំមន្ទីរ-តំណាងអង្គភាពជុំវិញខេត្ត និងអាជ្ញាធរមូលដ្ឋាន បានអញ្ជើញជួបចុះសំណេះសំណាល និងនាំយកអំណោយទៅប្រគល់ជូនប្រជាពលរដ្ឋរងគ្រោះដោយសារសត្វដំរីរាតត្បាត ស្ថិតនៅភូមិពោធិ៍ខឿន (ព្រៃកែង) ឃុំពោធិ៍ ស្រុកត្បែងមានជ័យ។
នៅព្រឹកថ្ងៃទី១១ ខែវិច្ឆិកា ឆ្នាំ២០២៦នេះ ឯកឧត្តម គីម រិទ្ធី អភិបាលខេត្តព្រះវិហារ បានអញ្ជើញជាអធិបតីភាព ក្នុងពិធីសំណេះសំណាល និងចែកអំណោយជាគ្រឿងឧបភោគបរិភោគរបស់រាជរដ្ឋាភិបាល តាមរយៈមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្ត ជូនដល់ប្រជាពលរដ្ឋរងគ្រោះ ដោយគ្រោះធម្មជាតិ ចំនួន ៤៤០គ្រួសារ នៅឃុំភ្នំត្បែងមួយ ស្រុកសង្គមថ្មី ខេត្តព្រះវិហារ។
ក្រសួងមហាផ្ទៃ បានចេញប្រកាសលេខ ២៤៧៥៥ ប្រក ស្តីពីការបង្កើត «ភូមិតាកឹងចងចាំ» ដោយបំបែកចេញពីភូមិថ្នល់បែក នៃឃុំថ្មី ស្រុកគូលែន ខេត្តព្រះវិហារ ដើម្បីឆ្លើយតបទៅនឹងការវិវត្ត និងការគ្រប់គ្រងរដ្ឋបាលឱ្យកាន់តែមានប្រសិទ្ធភាព។
