នៅល្ងាចថ្ងៃទី ៦ ខែវិច្ចកា ឆ្នាំ២០២៦ លោក សុខ សាន្តតារ៉ា អភិបាលរងខេត្តព្រះវិហារ បានអញ្ជើញជាអធិបតីក្នុងពិធីក្រុងពាលី នៃបុណ្យកឋិនទានសាមគ្គី នៅវត្តព្រះពុទ្ធមានជ័យ (ហៅវត្តប៉ាលហាល )ស្ថិតក្នុងភូមិប៉ាលហាល សង្កាត់ប៉ាលហាល ក្រុងព្រះវិហារ ខេត្តព្រះវិហារ ដោយមានការចូលរួមពីសំណាក់អភិបាលក្រុង ប្រធានមន្ទីរ អង្គភាព តាជី យាយជី និងពុទ្ធបរិស័ទយ៉ាងច្រើនកុះករ។

តាមរយៈការបង្ហោះសារលើបណ្តាញសង្គមហ្វេសប៊ុក ផ្លូវការរបស់ ឯ.ឧ គីម រិទ្ធី អភិបាលខេត្តព្រះវិហារ កាលពីថ្ងៃទី ០៤ ខែ វិច្ឆិកា ឆ្នាំ២០២៦ ជំរុញឱ្យយាយនឿន លក់ស្រាថ្នាំ ដែលកំពុងល្បីនៅលើបណ្តាញសង្គម ចុះបញ្ជីការឱ្យបានត្រឹមត្រូវ និងប្រើប្រាស់តែវត្ថុធាតុដើមធម្មជាតិ ក្នុងការផលិតស្រា។

នាព្រឹកថ្ងៃទី០៤ ខែវិច្ឆិកា ឆ្នាំ២០២៦នេះ ឯកឧត្តម គីម រិទ្ធី អភិបាលខេត្តព្រះវិហារ បានអញ្ជើញចុះជួបសំណេះសំណាល និងជូនដំណើរយុវជនដែលត្រូវបំពេញកាតព្វកិច្ចយោធា ឆ្ពោះទៅកាន់សាលាហ្វឹកហ្វឺនកងទ័ព ដើម្បីចូលរួមហ្វឹកហ្វឺន និងទទួលបានចំណេះដឹង ជំនាញ សមត្ថភាព ព្រមទាំងបទពិសោធន៍ក្នុងវិស័យយោធា។

នៅព្រឹកថ្ងៃទី០៤ ខែវិច្ឆិកា ឆ្នាំ២០២៦ រដ្ឋបាលខេត្តព្រះវិហារ មានរៀបចំកិច្ចប្រជុំពិភាក្សា ស្តីពីការរៀបចំសណ្តាប់ធ្នាប់ និងសោភណ្ឌភាព ក្នុងក្រុង ក្នុងគោលបំណងពិភាក្សា ផ្ដោះប្ដូរយោបល់ ដើម្បីអភិវឌ្ឍ និងរៀបចំសោភណ្ឌភាពក្នុង ក្រុងព្រះវិហារ អោយកាន់តែល្អប្រសើរឡើង។

នាព្រឹកថ្ងៃទី៣ ខែវិច្ឆិកា ឆ្នាំ២០២៦ ក្រុមប្រឹក្សាខេត្តព្រះវិហារ បានរៀបចំកិច្ចប្រជុំសាមញ្ញលើកទី២៩ អាណត្តិទី៤ ក្រោមអធិបតីភាព ឯកឧត្តម ប្រាក់ សុវណ្ណ ប្រធានក្រុមប្រឹក្សាខេត្ត និង លោក មិន ស៊ីថា អភិបាលខេត្តស្តីទី ដោយមានការអញ្ជើញចូលរួមពីសំណាក់ ឯកឧត្តម លោកជំទាវ សមាជិកក្រុមប្រឹក្សាខេត្ត ប្រធានសាលាដំបូងខេត្ត ព្រះរាជអាជ្ញា មេបញ្ជាការកងកម្លាំងទាំងបី ប្រធានពន្ធនាគារខេត្ត ព្រមទាំងថ្នាក់ដឹកនាំមន្ទីរ-អង្គភាពជុំវិញខេត្តជាច្រើនរូបទៀត ។

នាព្រឹកថ្ងៃទី៣០ ខែតុលា ឆ្នាំ២០២៦ អគ្គលេខាធិការដ្ឋាន នៃគណៈកម្មាធិការជាតិគ្រប់គ្រងគ្រោះមហន្តរាយ ដោយមានកិច្ចសហការជាមួយកម្មវិធីស្បៀងអាហារពិភពលោក (WFP) ក្រោមជំនួយរបស់រាជរដ្ឋាភិបាលជប៉ុន នៃគម្រោង “ស្តារជីវភាព និងពង្រឹងអាហារូបត្ថម្ភដល់ប្រជាពលរដ្ឋខ្មែរ ដែលរងផលប៉ះពាល់ដោយសារសង្គ្រាមឈ្លានពានរបស់ថៃ” បានរៀបចំពិធីចែកអំណោយអង្ករជូនគ្រួសារដែលរងផល ប៉ះពាល់ដោយសារសង្គ្រាមឈ្លានពានរបស់ថៃ ដែលបានជ្រើសរើសគ្រួសារទទួលអំណោយអង្ករ និងគ្រួសារទទួលផល ក្នុងខេត្តព្រះវិហារ មកពីឃុំរំដោះស្រែ ចំនួន៣៥០គ្រួសារ ឃុំកន្ទួត ចំនួន២៩៧គ្រួសារ និងឃុំស្រអែម ចំនួន៣៥០គ្រួសារ សរុបចំនួន៩៩៧គ្រួសារ ដោយក្នុង១គ្រួសារ ទទួលបានចំនួន៥០គីឡូក្រាម