លោកស្រី អៀង លីដា បានអំពាវនាវដល់បងប្អូនប្រជាពលរដ្ឋ ជាពិសេសយុវជន ឱ្យចូលរួមធ្វើបុណ្យទាន ពិសេសក្នុងឱកាសបុណ្យកាន់បិណ្ឌ និងភ្ជុំបិណ្ឌ ឱ្យបានច្រើនកុះករ ដើម្បីរួមគ្នាថែរក្សា និងការពារប្រពៃណី ទំនៀមទម្លាប់ព្រះពុទ្ធសាសនាដ៏ថ្លៃថ្លារបស់ដូនតាយើងកុំឱ្យបាត់បង់។

យុវតីរូបនេះ ក៏បានឧទ្ទិសកុសលផលបុណ្យ ជូនដល់បុព្វការីជន និងកងទ័ពកម្ពុជាដែលបានពលីជីវិតក្នុងសង្គ្រាមឈ្លានពានរបស់កងយោធាថៃ ដើម្បីរំលឹកដល់គុណូបការៈ និងការលះបង់យ៉ាងធំធេង ក្នុងបុព្វហេតុជាតិ មាតុភូមិ និងប្រជាជនកម្ពុជា។

ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា មានព្រះរាជឱង្ការថា កិច្ចការអភិរក្សនិងអភិវឌ្ឍន៍ បេតិកភណ្ឌ ជាកិច្ចការគ្មានទីបញ្ចប់ ដែលទាមទារឱ្យមានការចូលរួមពីគ្រប់មជ្ឈដ្ឋានជាតិ និងអន្តរជាតិ ជាពិសេសគឺស្រទាប់យុវជនជាអ្នកបន្តវេន។ នេះបើយោងតាមព្រះរាជសាររបស់ព្រះករុណា ព្រះមហាក្សត្រ ថ្ងៃទី៧ ខែកក្កដា ឆ្នាំ២០២៦ ក្នុងឱកាសអបអរសាទរខួបជាប្រវត្តិសាស្ត្រ ៩ឆ្នាំ នៃការចុះបញ្ជីតំបន់ប្រាសាទសំបូរព្រៃគុកជាសម្បត្តិបេតិកភណ្ឌពិភពលោក (៨ កក្កដា ២០១៧ - ៨ កក្កដា ២០២៦)។

និស្សិតសាលាភូមិន្ទវិចិត្រសិល្បៈ (RUFA) ធ្វើដំណើរទស្សនកិច្ចសិក្សានៅតំបន់ប្រាសាទបាកាន (ប្រាសាទព្រះខ័ន កំពង់ស្វាយ) ស្ថិតក្នុងស្រុកសង្គមថ្មី ខេត្តព្រះវិហារ កាលពីថ្ងៃទី១២ ខែឧសភា ឆ្នាំ២០២៦។ តំបន់ប្រវត្តិសាស្ត្រប្រាសាទបាកានស្វាគមន៍យ៉ាងកក់ក្តៅចំពោះវត្តមានក្រុមប្រតិភូ លោកគ្រូ អ្នកគ្រូ និងនិស្សិតមកពីសាលាភូមិន្ទវិចិត្រសិល្បៈ (RUFA) ក្នុងដំណើរទស្សនកិច្ចសិក្សាឈ្វេងយល់ពីមរតកដូនតា។ ដំណើរទស្សនកិច្ចនេះ ធ្វើឡើងក្នុងគោលបំណងផ្សារភ្ជាប់ទ្រឹស្តីនៅក្នុងថ្នាក់រៀន ទៅនឹងការសិក្សាស្រាវជ្រាវជាក់ស្តែងនៅលើទឹកដីប្រវត្តិសាស្ត្រដ៏មានតម្លៃ ដើម្បីឱ្យនិស្សិតសិល្បៈជំនាន់ក្រោយ បានស្វែងយល់កាន់តែស៊ីជម្រៅអំពីស្ថាបត្យកម្ម ចម្លាក់ និងព្រលឹងវប្បធម៌ខ្មែរនាសម័យបុរាណ។ យោងតាមទិន្នន័យទទួលបានពីមន្ត្រីប្រចាំការនៅរមណីយដ្ឋានប្រាសាទព្រះខ័ន ក្នុងថ្ងៃទី១២ ខែឧសភា ភ្ញៀវជាតិចូលទស្សនាចំនួន ២៧៥ នាក់ ស្រី ១៥០ នាក់ ភ្ញៀវអន្តរជាតិ ០២ នាក់៕ ប្រភពពីមន្ទីរវប្បធម៌ខេត្តព្រះវិហារ

បទយកការណ៍៖ ការរក្សាមរតក «សូត្រដៃ» របស់អ្នកស្រុកគូលែន ជាមុខរបរដែលមនុស្សភាគច្រើនថាពិបាក តែនៅមានស្ដ្រីវ័យក្មេងម្នាក់សម្រេចចិត្តបន្តវេន ដើម្បីរក្សាមុខរបរប្រពៃណីនេះមិនឱ្យបាត់បង់!