វគ្គបណ្តុះបណ្តាលស្តីពីមូលដ្ឋានគ្រឹះកាកបាទក្រហម អឌ្ឍចន្ទក្រហម និងវិជ្ជាសង្គ្រោះបឋម ត្រូវបានសាខាកាកបាទក្រហមកម្ពុជាខេត្តព្រះវិហារ បន្តផ្សព្វផ្សាយជូនដល់យុវជននៅវិទ្យាល័យចំនួនពីរផ្សេងៗគ្នា បន្ថែមទៀត
លោក ឈឺន តុលា បានអោយដឹងថា វគ្គបណ្តុះបណ្តាលនាថ្ងៃនេះពិតជាមានសារៈសំខាន់ខ្លាំងណាស់ សម្រាប់ប្អូនៗជាយុវជនកាកបាទក្រហមជាពិសេសប្អូនៗដែលជាសមាជិកថ្មីដែលសាលាបានជ្រើសរើសបំពេញបន្ថែម ជំនួសអោយយុវជនចាស់ដែលបានប្រឡងជាប់នឹងបានបន្តការសិក្សានៅឆ្ងាយ។ លោកបានបន្តទៀតថាគោលបំណងនៃ វគ្គបណ្តុះ បណ្តាលនេះគឺដើម្បីអោយប្អូនបានយល់ដឹងអំពីប្រវត្តិគោលការណ៍ គ្រឹះ ចលនាអន្តរជាតិកាកបាទក្រហម អឌ្ឍចន្ទក្រហម តួនាទី របស់យុវជនកាកបាទក្រហម ពិសេសវិជ្ជាសង្គ្រោះបឋមដើម្បីជួយជនរងគ្រោះដោយគ្រោះថ្នាក់ផ្សេងៗនៅក្នុងមូលដ្ឋានរបស់ខ្លួន។
