ប៉ៃលិន៖ នាថ្ងៃទី២២ ខែតុលា ឆ្នាំ២០២៦ ការិយាល័យក្សេត្រសាស្ត្រ និងផលិតភាពកសិកម្ម នៃមន្ទីរកសិកម្ម រុក្ខាប្រមាញ់ និងនេសាទខេត្តប៉ៃលិន បានរៀបចំវគ្គបណ្តុះបណ្តាលស្តីពីការផលិតជីកំប៉ុស្តទឹក និងជីកំប៉ុស្តគោក សម្រាប់ដំណាំបន្លែ និងឈើហូបផ្លែ នៅភូមិកំពង់ចម្លងក្រោម ឃុំសាលាក្រៅ ស្រុកសាលាក្រៅ ដោយមានកសិករចូលរួមសរុបចំនួន ៣២នាក់ (ស្រី ១៥នាក់) ដើម្បីពង្រឹងសមត្ថភាពលើការកែច្នៃវត្ថុធាតុដើមក្នុងស្រុក និងកាត់បន្ថយការចំណាយក្នុងមុខរបរកសិកម្ម។

ប៉ៃលិន៖ មន្ទីរកសិកម្ម រុក្ខាប្រមាញ់ និងនេសាទខេត្តប៉ៃលិន នៅព្រឹកថ្ងៃទី២១ ខែតុលា ឆ្នាំ២០២៦ បានបើកយុទ្ធនាការចាក់វ៉ាក់សាំងការពារជំងឺឆ្កែឆ្កួតទ្រង់ទ្រាយធំលើកទី១ ជូនដល់សត្វឆ្កែ និងឆ្មាទូទាំងខេត្ត ក្នុងគោលបំណងទប់ស្កាត់ការឆ្លងរាលដាលនៃជំងឺដ៏កាចសាហាវនេះ និងលើកកម្ពស់សុខភាពសាធារណៈជូនប្រជាពលរដ្ឋ។

យុទ្ធនាការទ្រង់ទ្រាយធំលើកទី១ នៃការចាក់វ៉ាក់សាំងការពារជំងឺឆ្កែឆ្កួតនៅទូទាំងខេត្តប៉ៃលិន ត្រូវបានប្រកាសបើកជាផ្លូវការ នាព្រឹកថ្ងៃទី២០ ខែតុលា ឆ្នាំ២០២៦ ក្រោមអធិបតីភាព លោក សាយ សុផាត ប្រធានមន្ទីរកសិកម្ម រុក្ខាប្រមាញ់ និងនេសាទខេត្តប៉ៃលិន ដើម្បីទប់ស្កាត់ការឆ្លងរាលដាលនៃជំងឺដ៏កាចសាហាវនេះ មកលើមនុស្ស និងសត្វចិញ្ចឹម។ ពិធីបើកយុទ្ធនាការនេះ មានការចូលរួមពី លោក ខៀវ សុថុន ប្រធានការិយាល័យផលិតកម្ម និងបសុព្យាបាល, លោក ហាក់ សុចិត្រា តំណាងអគ្គនាយកដ្ឋានសុខភាពសត្វ និងផលិតកម្មសត្វ ព្រមទាំងអាជ្ញាធរមូលដ្ឋាន មន្ត្រីជំនាញ និងភ្នាក់ងារសុខភាពសត្វ សរុបចំនួន ៣៨នាក់ (ស្រី ៥នាក់)។

ប៉ៃលិន៖ នៅថ្ងៃទី១៦ ខែតុលា ឆ្នាំ២០២៦ លោក សាយ សុផាត ប្រធានមន្ទីរកសិកម្ម រុក្ខាប្រមាញ់ និងនេសាទខេត្តប៉ៃលិន រួមជាមួយមន្ត្រីជំនាញពាក់ព័ន្ធ បានចុះពិនិត្យស្ថានភាពផលប៉ះពាល់ដំណាំកសិកម្មរបស់ប្រជាកសិករចំនួន ៦គ្រួសារ នៅសង្កាត់ទួលល្វា ក្រុងប៉ៃលិន ខេត្តប៉ៃលិន ដែលរងផលប៉ះពាល់ដោយសារជំនន់ទឹកភ្លៀង។

(ប៉ៃលិន)៖ នៅថ្ងៃទី១៤ ខែតុលា ឆ្នាំ២០២៦ លោក សាយ សុផាត ប្រធានមន្ទីរកសិកម្ម រុក្ខាប្រមាញ់ និងនេសាទខេត្តប៉ៃលិន និងមន្រ្តីជំនាញពាក់ព័ន្ធ ចុះពិនិត្យស្ថានភាពផលប៉ះពាល់ដំណាំកសិកម្មរបស់កសិករចំនួន ៦គ្រួសារ នៅឃុំស្ទឹងត្រង់ ស្រុកសាលាក្រៅ ខេត្តប៉ៃលិន ព្រមទាំងបានផ្តល់ធាតុចូលកសិកម្មរួមមាន៖ ជីទឹក និងថ្នាំកសិកម្ម ដើម្បីអន្តរាគមន៏ និងស្ដារផលិតកម្មឡើងវិញក្រោយជំនន់ទឹកភ្លៀង។

លោក អ៊ឹម សុភឿន អនុប្រធានមន្ទីរ និងមន្ត្រីជំនាញ អមដំណើរឯកឧត្តម គី ច័ន្ទរំដួល អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ដោយបានចុះជួបសំណេះសំណាល ជាមួយថ្នាក់ដឹកនាំ និងសមាជិក សហគមន៍កសិកម្មទំនើបមៀនប៉ៃលិន នៅទីស្នាក់ការរបស់សហគមន៍ ស្ថិតនៅភូមិសួនអំពៅកើត សង្កាត់ប៉ៃលិន ក្រុង ខេត្តប៉ៃលិន ដែលមានអ្នកចូលរួមចំនួន ២៧ នាក់ ស្រី ០៨នាក់។