ឯកឧត្តម ប៊ុន ផេង បានលើកឡើងថា សិក្ខាសាលានេះ គឺជាវេទិកាសំខាន់សម្រាប់ផ្សារភ្ជាប់តម្រូវការអភិវឌ្ឍន៍នៅមូលដ្ឋាន ជាមួយផែនការ និងលទ្ធភាពគាំទ្ររបស់មន្ទីរ អង្គភាព អង្គការដៃគូអភិវឌ្ឍន៍ និងសប្បុរសជន ដើម្បីធានាថាគម្រោងអភិវឌ្ឍន៍ឆ្លើយតបបានចំគោលដៅ និងផ្តល់ផលប្រយោជន៍ជាក់ស្តែងដល់ប្រជាពលរដ្ឋ។
ការប្រឡងប្រជែងបច្ចេកទេស និងគុណភាពចៀរជ័រកៅស៊ូក្នុងចំណោមកម្លាំងពលកម្មមូលដ្ឋាន បានប្រព្រឹត្តទៅយ៉ាងស្វាហាប់ និងរស់រវើក ក្នុងកម្មវិធី «ប្រឡងបាតដៃមាសលើកទី២ ឆ្នាំ២០២៦» របស់ក្រុមហ៊ុន ឬទ្ធី គ្រុប កាលពីព្រឹកថ្ងៃទី១៦ ខែតុលា ឆ្នាំ២០២៦ នៅភូមិជីអោក ឃុំរម្មណីយ ស្រុករវៀង ខេត្តព្រះវិហារ។ ពិធីនេះប្រព្រឹត្តទៅក្រោមអធិបតីភាព ឯកឧត្តម គីម រិទ្ធី អភិបាលខេត្តព្រះវិហារ និងមានការចូលរួមពីមន្ត្រីជំនាញកសិកម្ម គណៈគ្រប់គ្រងក្រុមហ៊ុនកៅស៊ូដៃគូ ព្រមទាំងបងប្អូនកម្មករនិយោជិត ដែលកំពុងបំពេញការងារយ៉ាងសកម្មក្នុងចម្ការកៅស៊ូនៃតំបន់នេះ។
ខេត្តព្រះវិហារ៖ នៅថ្ងៃទី១៦ ខែតុលា ឆ្នាំ២០២៦ លោក ប៉ែន ជឹង អភិបាលស្រុកគូលែន និងលោក លុក គឹមលាន អភិបាលរងស្រុក បានដឹកនាំកងកម្លាំងអធិការដ្ឋាននគរបាលស្រុកចំនួន ២នាក់ មន្ត្រីបរិស្ថានចំនួន ៥នាក់ និងប្រជាពលរដ្ឋចំនួន ៣នាក់ ចុះរុករក និងតាមដានសកម្មភាពហ្វូងដំរីព្រៃក្នុងភូមិសាស្ត្រស្រុកគូលែន។
នាព្រឹកថ្ងៃទី១៦ ខែតុលា ឆ្នាំ២០២៦ មានរៀបចំ សិក្ខាសាលា ផ្សព្វផ្សាយព្រះរាជក្រឹត្យ ស្តីពីលក្ខន្តិកៈ នៃអង្គគ្រូបង្រៀន ជូនបុគ្គលិកអប់រំ ក្នុងស្រុករវៀង ក្រោមអធិបតីភាព ឯកឧត្ដម គីម រិទ្ធី អភិបាលនៃគណៈអភិបានខេត្តព្រះវិហារ ព្រមទាំងមានការអញ្ជេីញចូលរួមពីសំណាក់ អភិបាលរងខេត្ត ប្រធាន អនុប្រធានមន្ទីរជុំវិញខេត្ត កងកម្លាំងប្រដាប់អាវុធ អភិបាលស្រុករវៀង លោក-លោកស្រី នាយក នាយិកា លោកគ្រូ អ្នកគ្រូ និង សិក្ខាកាមជាច្រេីនរូបទៀត នៅសាលប្រជុំសាលាស្រុករវៀង។
ស្ថិតនៅប៉ែកខាងកើតនៃទីរួមខេត្តព្រះវិហារ ចម្ងាយប្រមាណ ៥៨ គីឡូម៉ែត្រ ស្រុកឆែប គឺជាស្រុកជាប់ព្រំដែនដ៏មានសក្តានុពលមួយ ដែលមានផ្ទៃដីសរុបជាង ២៥០០គីឡូម៉ែត្រក្រឡា ជាប់ព្រំដែនប្រទេសឡាវរហូតដល់ ៩៧គីឡូម៉ែត្រ និងមានដងទន្លេមេគង្គហូរកាត់ប្រវែង ២៤គីឡូម៉ែត្រ។
