សេចក្តីថ្លែងការណ៍ បច្ចុប្បន្នភាពស្តីពី ការវិវត្តនៃស្ថានភាពព្រំដែនកម្ពុជា-ថៃ និងព័ត៌មានផ្សេងទៀតពីរាជរដ្ឋាភិបាល ។ ថ្ងៃសុក្រ ៥កើត ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៦ ខែតុលា ឆ្នាំ២០២៦ វេលាម៉ោង១១:០០នាទី
ស្ថិតនៅប៉ែកខាងកើតនៃទីរួមខេត្តព្រះវិហារ ចម្ងាយប្រមាណ ៥៨ គីឡូម៉ែត្រ ស្រុកឆែប គឺជាស្រុកជាប់ព្រំដែនដ៏មានសក្តានុពលមួយ ដែលមានផ្ទៃដីសរុបជាង ២៥០០គីឡូម៉ែត្រក្រឡា ជាប់ព្រំដែនប្រទេសឡាវរហូតដល់ ៩៧គីឡូម៉ែត្រ និងមានដងទន្លេមេគង្គហូរកាត់ប្រវែង ២៤គីឡូម៉ែត្រ។
នៅថ្ងៃទី១៥ ខែតុលា ឆ្នាំ២០២៦ នៅសាលប្រជុំប្រាសាទព្រះវិហារ អគាររដ្ឋបាលសាលាខេត្តជាន់ទី៣ មានរៀបចំពិធីគោរពព្រះវិញ្ញាណក្ខន្ធ ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ “ព្រះបរមរតនកោដ្ឋ” គម្រប់ខួប ១៤ឆ្នាំ ក្រោមអធិបតីភាព ឯកឧត្តម ប្រាក់ សុវណ្ណ ប្រធានក្រុមប្រឹក្សាខេត្តព្រះវិហារ និងឯកឧត្តម គីម រិទ្ធី អភិបាលខេត្តព្រះវិហារ ដែលអង្គពិធីនេះក៏មានការអញ្ជើញចូលរួមពីសំណាក់ឯកឧត្តម លោកជំទាវ ជាសមាជិកក្រុមប្រឹក្សាខេត្ត លោក លោកស្រីជាអភិបាលរងខេត្ត កងកម្លាំងទាំងបី ថ្នាក់ដឹកនាំ មន្ទីរ អង្គភាព ជុំវិញខេត្ត អភិបាលនិងប្រធានក្រុមប្រឹក្សាក្រុងស្រុកទាំងប្រាំបី មន្ត្រីរាជការ សហភាពសហព័ន្ធយុវជនកម្ពុជា ព្រមទាំងលោកយាយជីជាច្រើនរូប។
លោកជំទាវ សុខា គងពិសី គីម រិទ្ធី ប្រធានកិត្តិយសសាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ខេត្តព្រះវិហារ បានអញ្ជើញចុះសួរសុខទុក្ខ និងនាំយកថវិកាចំនួន ៤លានរៀល ដែលជាអំណោយដ៏ថ្លៃថ្លារបស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជូនដល់លោកស្រី ធិន ជិត ដែលកំពុងសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត រាជធានីភ្នំពេញ ក្រោយរងរបួសធ្ងន់ធ្ងរក្នុងហេតុការណ៍ដំរីព្រៃជាន់។
បើតាមការបញ្ជាក់ពីលោក ចិន ខន្តី អភិបាលស្រុកជាំក្សាន្ត មុនពេលកើតហេតុ ក្រុមគ្រួសាររងគ្រោះសរុបចំនួន ៥នាក់ បានបោះតង់ (ប្រក់កៅស៊ូបណ្តោះអាសន្ន) ដើម្បីសម្រាក និងរកត្រី។ លុះដល់ពេលយប់ ស្រាប់តែមានហ្វូងដំរីព្រៃចំនួន ៦ក្បាល បានចូលមកវាយកម្ទេចតង់ និងជាន់លើក្រុមប្រជាពលរដ្ឋ បណ្តាលឱ្យមានគ្រោះថ្នាក់គួរឱ្យរន្ធត់នេះឡើង។
