បន្ទាប់ពីសមិទ្ធផលផ្លូវកៅស៊ូតភ្ជាប់រវាងស្រុកគូលែន និងស្រុកសង្គមថ្មី ត្រូវបានស្ថាបនារួច រាល់ ផ្លូវកៅស៊ូ DBST ១ខ្សែបន្ថែមទៀត ដែលខ្នែងតភ្ជាប់ចេញពីផ្លូវគូលែន-សង្គមថ្មី ត្រង់ចំណុចភូមិបរិបូណ៌ ទៅកាន់ភូមិក្តាក់ ស្ថិតក្នុងឃុំភ្នំត្បែងពីរ ស្រុកគូលែន ខេត្តព្រះវិហារ ក៏ត្រូវបានលេចរូបរាងឡើងយ៉ាងរឹងមាំផងដែរ។

ស្ថិតនៅជើងភ្នំត្បែង ក្នុងស្រុកគូលែន ខេត្តព្រះវិហារ ឃុំភ្នំត្បែងពីរ មាន ៤ភូមិ និងភូមិរណប ១ មានប្រជាពលរដ្ឋរស់នៅ ១.០៥២ខ្នងផ្ទះ ស្មើនឹង ១.៣២០គ្រួសារ ស្មើនឹងជាង ៥.៥០០នាក់។ ក្នុងនោះ ប្រជាពលរដ្ឋស្ទើរតែ ១០០% ប្រកបមុខរបរកសិកម្ម ដោយផ្អែកលើការដាំដុះស្រូវ ដំឡូងមី ស្វាយចន្ទី និងដំណាំបន្លែបន្ទាប់បន្សំ។

ការស្ថាបនាស្ពាន និងផ្លូវ គឺជាអាទិភាពមួយនៃកិច្ចការអភិវឌ្ឍន៍ហេដ្ឋារចនាសម្ព័ន្ធ នៅតាមមូលដ្ឋាន ដែលជួយសម្រួលដល់ការធ្វើដំណើរ ការដឹកជញ្ជូនកសិផល និងការភ្ជាប់ទំនាក់ទំនងរវាងសហគមន៍នៅតំបន់ជនបទ។

ស្ថានភាពទឹកនៅតាមដងស្ទឹងសែន ក្នុងភូមិសាស្ត្រក្រុងព្រះវិហារ គិតត្រឹមព្រឹកថ្ងៃទី៣០ ខែកញ្ញា ឆ្នាំ២០២៦ នេះ មិនទាន់ឈានដល់កម្រិតប្រកាសអាសន្ននៅឡើយទេ ដោយកម្ពស់ទឹកបានកើនឡើងដល់ ១១ ម៉ែត្រ ខណៈកម្រិតត្រូវប្រកាសអាសន្នគឺ ១២ ម៉ែត្រ។

ក្នុងរដូវកាលនៃពិធីបុណ្យកាន់បិណ្ឌ និងភ្ជុំបិណ្ឌនេះ បរិយាកាសនៅតាមបណ្តាវត្តអារាមនានា ក្នុងខេត្តព្រះវិហារ ត្រូវបានរៀបចំឡើងយ៉ាងអធិកអធម និងកុះករជាខ្លាំង ស្របតាមប្រពៃណីជាតិដ៏ធំរបស់ជាតិខ្មែរ។

នាពេលរសៀល ថ្ងៃទី២៧ ខែ កញ្ញា ឆ្នាំ២០២៦ អភិបាលរងខេត្តព្រះវិហារ លោក គឹម ចាន់បញ្ញា និង លោក ហុក សុផល  ព្រមទាំងក្រុមការងារ បានអញ្ជើញចូលរួមពិធីសូត្រមន្ត ចូលកាន់បិណ្ឌវេនទី២ នៃពិធីបុណ្យកាន់បិណ្ឌ និងភ្ជុំបិណ្ឌ ព្រមទាំងបាននាំយកនូវទេយ្យទាន គ្រឿងឧបភោគបរិភោគ បច្ច័យ ទៅវេរប្រគេនដល់ព្រះសង្ឃ គង់នៅវត្តទួលឧត្តម ហៅវត្តប្រមេរុ ស្ថិតក្នុងភូមិប្រមេរុ ឃុំប្រមេរុ ស្រុកត្បែងមានជ័យ ខេត្តព្រះវិហារ។