ផលិតផលរបស់ សិប្បកម្ម ខ្មែរម៉េងទ្រី ៩៩៩ ដែលមានទីតាំងស្ថិតនៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន។ មានគុណភាពខ្ពស់ ទទួលស្គាល់ជាផលិតផល ភូមិមួយ ផលិតផលមួយ របស់ខេត្តប៉ៃលិន។ គាំទ្រផលិតផលខ្មែរ ជា មនសិកា ស្នេហាជាតិ ! ខ្មែរខ្លាំង ខ្មែរធ្វើបាន !

(ប៉ៃលិន)៖ នៅព្រឹកថ្ងៃទី០៤ ខែតុលា ឆ្នាំ២០២៦ លោក ភី ឡង់ឌី សមាជិកក្រុមការងារថ្នាក់ខេត្តចុះមូលដ្ឋានសង្កាត់ទួលល្វា និងជាប្រធានក្រុមការងារចុះជួយភូមិវាលវង់ និងភូមិអូរច្រាកើត បានដឹកនាំសមាជិកក្រុមការងារចុះរៀបចំដំឡើងស្លាកគណបក្សនៅតាមទីតាំងគោលដៅសំខាន់ៗក្នុងមូលដ្ឋាន ដើម្បីពង្រឹងការផ្សព្វផ្សាយ និងត្រៀមលក្ខណៈសម្រាប់សកម្មភាពការងារបក្ស។

ខេត្តប៉ៃលិន មិនត្រឹមតែល្បីល្បាញលើវិស័យត្បូង និងកសិផលដំណាំហូបផ្លែដ៏សម្បូរបែបប៉ុណ្ណោះទេ តែបច្ចុប្បន្នភាពច្នៃប្រឌិតរបស់កូនខ្មែរកំពុងបង្កើតតម្លៃបន្ថែមយ៉ាងអស្ចារ្យលើ កសិផលក្នុងស្រុក។ ស្ថិតនៅភូមិតាង៉ែនលើ សង្កាត់ប៉ៃលិន ក្រុងប៉ៃលិន សិប្បកម្ម "SKH Plus" ក្រោមការដឹកនាំរបស់លោក វួច ធុច បាននិងកំពុងប្រែក្លាយផ្លែមៀនប៉ៃលិន និងផ្លែទំពាំងបាយជូរព្រៃ ឱ្យក្លាយជាស្រាក្រហមប្រកបដោយគុណភាពខ្ពស់ ស្ដង់ដារអនាម័យត្រឹមត្រូវ រហូតទទួលបាន ការទទួលស្គាល់ជាផលិតផល "ភូមិមួយ ផលិតផលមួយ" ដ៏មានសក្ដានុពលប្រចាំខេត្តប៉ៃលិន។

ប៉ៃលិន៖ សាខាពន្ធដារខេត្តប៉ៃលិន នៅព្រឹកថ្ងៃទី២១ ខែកញ្ញា ឆ្នាំ២០២៦ បានរៀបចំសិក្ខាសាលាផ្សព្វផ្សាយស្តីពី ពន្ធប្រថាប់ត្រាលើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ ពន្ធលើអចលនទ្រព្យ ពន្ធលើដីធ្លីមិនបានប្រើប្រាស់ និងពន្ធលើមធ្យោបាយដឹកជញ្ជូន ដើម្បីបង្កើនការយល់ដឹងអំពីច្បាប់ បទប្បញ្ញត្តិ និងនីតិវិធីពាក់ព័ន្ធ ព្រមទាំងពង្រឹងកិច្ចសហការរវាងសាខាពន្ធដារខេត្ត និងអាជ្ញាធរមូលដ្ឋាន។ ពិធីនេះធ្វើឡើងនៅសាខាពន្ធដារខេត្តប៉ៃលិន ក្រោមអធិបតីភាពលោក គោស៊ុំ ប៊ុនសឿត អភិបាលរងខេត្តប៉ៃលិន តំណាងលោកជំទាវបណ្ឌិត បាន ស្រីមុំ អភិបាលខេត្តប៉ៃលិន ដោយមានការចូលរួមពីមន្ទីរ-អង្គភាពពាក់ព័ន្ធ រដ្ឋបាលក្រុង-ស្រុក រដ្ឋបាលឃុំ-សង្កាត់ មេភូមិ និងអ្នកពាក់ព័ន្ធនានា។

(ប៉ៃលិន)៖ ព្រឹកថ្ងៃទី១០ ខែកញ្ញា ឆ្នាំ២០២៦ លោក ដួង សុកេន អនុប្រធានមន្ទីរពាណិជ្ជកម្មខេត្តប៉ៃលិន បានអញ្ជើញដឹកនាំមន្រ្ដីរាជការក្រោមឱវាទ ចូលរួមកិច្ចប្រជុំប្រចាំសប្តាហ៍ ឆ្នាំ២០២៦ ក្រោមអធិបតីភាពដ៏ខ្ពង់ខ្ពស់របស់ ឯកឧត្តម កឹម ស៊ីថន រដ្ឋលេខាធិការប្រចាំការ នៃក្រសួងពាណិជ្ជកម្ម តាមរយៈប្រព័ន្ធវីដេអូ Zoom។

(ប៉ៃលិន)៖ ព្រឹកថ្ងៃទី៤ ខែកញ្ញា ឆ្នាំ២០២៦ លោក វ៉ាន់ ហួរ ប្រធានមន្ទីរពាណិជ្ជកម្ម ខេត្តប៉ៃលិន បានដឹកនាំមន្ត្រីជំនាញ ចុះផ្ទាល់ដល់ទីតាំងប្រមូលទិញ-លក់កសិផលនានា ក្នុងភូមិសាស្ត្រខេត្តប៉ៃលិន ដើម្បីពិនិត្យមើលសកម្មភាពអាជីវកម្មពាក់ព័ន្ធ កសិផលសំខាន់ៗពីរគឺ ពោតក្រហម (ស្នួល-គ្រាប់) និង ដំឡូងមី និងពិនិត្យការបិទស្លាកតម្លៃ ឱ្យបានច្បាស់លាស់ ព្រមទាំងសាកសួរផ្ទាល់ជាមួយម្ចាស់ទីតាំងប្រមូលទិញ-លក់កសិផលនានា ឬអាជីវករអំពីលំហូរ នៃការទិញចូល (បរិមាណទិញ តម្លៃប្រែប្រួល និងប្រភពទិញ) ដែលប្រមូលទិញបាន ពីប្រជាកសិករក្នុងមូលដ្ឋាន។