បន្ទាយមានជ័យ ៖ ឯកឧត្ដម ប្លែក វ៉ារី ប្រធាន ក្រុម ប្រឹក្សា ខេត្ត ឯកឧត្ដម អ៊ុំ រាត្រី អភិបាល នៃ គណៈអភិបាលខេត្ត អញ្ជើញ ជាអធិបតីភាព ក្នុងទិវាមនុស្សចាស់កម្ពុជា និងទិវាមនុស្សចាស់អន្តរជាតិ ថ្ងៃទី ១ ខែតុលា ឆ្នាំ២០២៦ ក្រោមប្រធានបទ " ក្មេងមានសកម្លាំង និងស្គាល់ផ្លូវ ចាស់មានបទពិសោធ" រៀបចំឡេីងដោយមន្ទីរ សង្គមកិច្ច អតីតយុទ្ធជន និងយុវនីតិសម្បទាខេត្តបន្ទាយមានជ័យ ប្រារព្ធ ធ្វើឡើងនៅវិទ្យាល័យ ស្វាយចេក ស្រុកស្វាយចេក នារសៀលថ្ងៃអង្គារ ៩កើត ខែអស្សុជ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២០ ខែតុលា ឆ្នាំ ២០២៦។

បន្ទាយមានជ័យ៖ នៅព្រឹកថ្ងៃពុធ ទី២១ ខែតុលា ឆ្នាំ២០២៦ សាលប្រជុំក្រុមប្រឹក្សាខេត្តបន្ទាយមានជ័យ បានរៀបចំវគ្គបណ្តុះបណ្តាលគ្រូបង្គោល ស្តីពី «កិច្ចការពារកុមារ ការចិញ្ចឹមកូនបែបវិជ្ជមាន យេនឌ័រ ពិការភាព បរិយាបន្នសង្គម អាហារូបត្ថម្ភ និងបម្រែបម្រួលអាកាសធាតុនៅក្នុងបរិបទនៃកសិកម្មឆ្លាតវៃ» ក្រោមអធិបតីភាព លោកស្រី មុំ ពុទ្ធីតា អភិបាលរងខេត្ត តំណាង ឯកឧត្តម អ៊ុ រាត្រី អភិបាលនៃគណៈអភិបាលខេត្តបន្ទាយមានជ័យ។

(បន្ទាយមានជ័យ) លោក ឈឿង ក្រៃយ៉ុង អភិបាលរងខេត្ត តំណាងឯកឧត្តម អ៊ុ រាត្រី អភិបាល នៃគណៈអភិបាលខេត្តបន្ទាយមានជ័យ បានអញ្ជើញជាអធិបតីភាពក្នុងសិក្ខាសាលាសិក្ខាសាលាសមាហរណកម្ម កម្មវិធីវិនិយោគ ៣ឆ្នាំរំកិលសង្កាត់ ២០២៧.២០២៩ នៅថ្នាក់ក្រុងឆ្នាំ២០២៦ ដោយមានការអញ្ជើញចូលរួមពីលោកស្រី ព្រំ សុីណា ប្រធានមន្ទីរផែនការខេត្តបន្ទាយមានជ័យ លោក ជាម សុខ ប្រធានក្រុមប្រឹក្សាក្រុង លោក ស្រេង សុផល អភិបាលនៃគណៈអភិបាលក្រុងសិរីសោភ័ណ និងលោក លោកស្រី តំណាងមន្ទីរអង្គភាព ចៅសង្កាត់ទាំង៧ ការិយាល័យចំណុះឲ្យអង្គភាពរដ្ឋបាលក្រុង ព្រមទាំងអង្គការដៃគូ សិក្ខាសាលានេះធ្វើនៅព្រឹកថ្ងៃទី២០ ខែតុលា ឆ្នាំ២០២៦ នៅសាលប្រជុំសាលាក្រុងសិរីសោភ័ណ។

បេក្ខជនចំនួន ៣៤៩នាក់ បានចូលរួមប្រឡងប្រជែងជ្រើសរើសក្របខ័ណ្ឌមន្ត្រីនគរបាលជាតិបំពេញជួស ឆ្នាំ២០២៦ នៅខេត្តបន្ទាយមានជ័យ ដើម្បីចូលបម្រើការងារនៅវរសេនាតូចនគរបាលការពារព្រំដែនគោកលេខ៤ នៃស្នងការដ្ឋាននគរបាលខេត្ត។ ការប្រឡងនេះ គឺជាដំណើរការដ៏សំខាន់ក្នុងការជ្រើសរើសធនធានមនុស្សដែលមានសមត្ថភាព គុណវុឌ្ឍិ និងភាពស័ក្តិសម ដើម្បីបំពេញភារកិច្ចការពារសន្តិសុខ និងសុវត្ថិភាពជូនប្រជាពលរដ្ឋ។

បន្ទាយមានជ័យ៖ លោក ឃ្លោក នួយ អភិបាលរងខេត្ត តំណាងឯកឧត្តម អ៊ុំ រាត្រី អភិបាល នៃគណៈអភិបាលខេត្ត អមដំណើរដោយ អភិបាលរងក្រុង លោកមេភូមិ ចៅសង្កាត់ បានចុះពិនិត្យការជួសជុលផ្លូវឡើងវិញ នៃគម្រោងសាងសង់បណ្តាញលូទឹកភ្លៀង និងបណ្តាញលូទឹកកខ្វក់ ក្នុងក្រុងសិរីសោភ័ណ នារសៀលថ្ងៃទី១៩ ខែតុលា ឆ្នាំ២០២៦។

ផ្ទាំងសិលាចារឹក "សូមស្វាគមន៍ខេត្តបន្ទាយមានជ័យ" ដាក់នៅចំនុចប្រសប់ផ្លូវបំបែកវាងក្រុង ចូលមកក្រុងសិរីសោភ័ណ ស្ថិតនៅភូមិក្បាលស្ពាន សង្កាត់ព្រះពន្លា ក្រុងសិរីសោភ័ណ។