បាត់ដំបង៖ នៅរសៀលថ្ងៃចន្ទ ទី២១ ខែកញ្ញា ឆ្នាំ២០២៦ សាខាកាកបាទក្រហមកម្ពុជាខេត្តបាត់ដំបង បានរៀបចំពិធីប្រគល់-ទទួលផ្ទះមនុស្សធម៌ចំនួន ២ខ្នង និងចែកអំណោយមនុស្សធម៌ជូនដល់ប្រជាពលរដ្ឋទីទ័លក្រចំនួន ៥០គ្រួសារ ក្រោមអធិបតីភាព ឯកឧត្តម សុខ លូ អភិបាលនៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជា ខេត្តបាត់ដំបង ។
នាព្រឹកថ្ងៃទី៤ ខែ តុលា ឆ្នាំ២០២៦ មន្ទីរព័ត៌មានខេត្តព្រះវិហារក្រោមការដឹកនាំរបស់លោកស្រី ហែម សុគុណពិសី ប្រធានមន្ទីរព័ត៌មាននិងមន្ត្រីរាជការក្រោមឱវាទ រួមជាមួយពុទ្ធបរិស័ទជិតឆ្ងាយ បានអញ្ជើញចូលរួមពិធីសូត្រមន្ត និងរាប់បាត្រឆ្លងបុណ្យកាន់បិណ្ឌវេនទី៨ នៃពិធីបុណ្យកាន់បិណ្ឌ និងភ្ជុំបិណ្ឌ ព្រមទាំងបាននាំយកនូវទេយ្យទាន គ្រឿងឧបភោគបរិភោគ បច្ច័យ វេរប្រគេនដល់ព្រះសង្ឃ គង់នៅវត្តឧត្តមមុនី ស្ថិតក្នុងភូមិអភិវឌ្ឍន៍ សង្កាត់ប៉ាលហាលក្រុងព្រះវិហារ ខេត្តព្រះវិហារ។
ខេត្តព្រះវិហារ៖ នៅរសៀលថ្ងៃទី០៣ ខែតុលា ឆ្នាំ២០២៦ គណៈត្រួតពិនិត្យនៃគណៈកម្មាធិការគណបក្សខេត្ត បានរៀបចំពិធីបិទវគ្គបណ្ដុះបណ្ដាលស្តីពីការងារត្រួតពិនិត្យ ជូនដល់មន្ត្រីគណបក្សខេត្ត និងប្រគល់វិញ្ញាបនបត្រ ក្រោមអធិបតីភាពដ៏ខ្ពង់ខ្ពស់ ឯកឧត្តម តូច វង្ស សមាជិកអចិន្ត្រៃយ៍គណៈកម្មាធិការគណបក្សខេត្ត និងជាប្រធានមន្ទីរគណបក្សខេត្តព្រះវិហារ។
នៅព្រឹកថ្ងៃទី៤ ខែតុលា ឆ្នាំ២០២៦ ឯកឧត្តម គីម រិទ្ធី អភិបាលខេត្តព្រះវិហារ បានអញ្ជើញចូលរួមពិធីសូត្រមន្ត កាន់បិណ្ឌ និងភ្ជុំបិណ្ឌ វេនទី៨ នៅវត្តពើងព្រះគោព្រះកែវមានឫទ្ធិ ស្ថិតក្នុងឃុំឈានមុខ ស្រុកត្បែងមានជ័យ ខេត្តព្រះវិហារ។
ក្នុងពេលចុះសួរសុខទុក្ខបងប្អូនប្រជាពលរដ្ឋភៀសសឹក នៅខេត្តខេត្តព្រះវិហារកាលពីថ្ងៃទី៣១ មករា ២០២៦ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍ថា៖ ខ្ញុំបានជម្រាបជូនបងប្អូនប្រពលរដ្ឋនៅពេលនោះ អំពីវិធានការដែលរាជរដ្ឋាភិបាលត្រូវដាក់ចេញក្នុងគោលដៅសង្គ្រោះជីវិតប្រជាពលរដ្ឋ ការស្វែងរកសន្តិភាពយូរអង្វែងដើម្បីកុំឱ្យសង្គ្រាមកើតមានឡើងវិញ ក៏ដូចជាការស្តារឡើងវិញនូវជីវភាពរស់នៅរបស់ប្រជាពលរដ្ឋ។
