មានផលប៉ះពាល់យ៉ាងធ្ងន់ធ្ងរដល់សុខភាពមនុស្ស បរិស្ថាន និងសេដ្ឋកិច្ច នៅពេលសំណល់ទាំងនេះត្រូវបានទុកដាក់ បោះចោល ឬកែច្នៃដោយគ្មានបច្ចេកទេសត្រឹមត្រូវ

បាត់ដំបង៖ ព្រឹកថ្ងៃសៅរ៍ ទី១ ខែសីហា ឆ្នាំ២០២៦ សមាគមកាយឫទ្ធិនារីកម្ពុជាសាខាខេត្តបាត់ដំបង បានរៀបចំកម្មវិធី «ស្វែងយល់ពីការឡើងកម្ដៅផែនដី» ដើម្បីលើកកម្ពស់ការយល់ដឹងអំពីបរិស្ថាន និងការប្រែប្រួលអាកាសធាតុ នៅសាលប្រជុំសាលាខេត្តបាត់ដំបង ដឹកនាំដោយ លោកស្រី សុខ ម៉ារឌី អនុប្រធានក្រុមប្រឹក្សាសមាគមកាយឫទ្ធិនារីកម្ពុជាសាខាខេត្តបាត់ដំបង ដោយមានការចូលរួមយ៉ាងច្រើនកុះករពីសមាជិកាសកម្មសមាគមកាយឫទ្ធិនារី ព្រមទាំងអ្នកគ្រូបង្គោលផងដែរ។

បាត់ដំបង៖សមាគមអ្នកផ្គត់ផ្គង់ទឹកស្អាតកម្ពុជា បើកកិច្ចប្រជុំថ្នាក់តំបន់ដើម្បីជំរុញឱ្យមានកំណើនប្រជាពលរដ្ឋទទួលបានទឹកស្អាតប្រកបដោយគុណភាព សុវត្ថិភាព និរន្តរភាពនិងថ្លៃសមរម្យដើម្បីឈានទៅរកការសម្រេចបាននូវគោលដៅអភិវឌ្ឍន៍ប្រកបដោយចីរភាពកម្ពុជា ដែលកំណត់ថា ប្រជាពលរដ្ឋត្រូវមានទឹកស្អាតប្រើទាំងអស់គ្នា នៅត្រឹមឆ្នាំ២០៣០។ កិច្ចប្រជុំថ្នាក់តំបន់នេះធ្វើឡើងនៅថ្ងៃទី១៦ ខែកក្កដា ឆ្នាំ២០២៦ នៅក្រុងបាត់ដំបង ក្រោមអធិបតីឯកឧត្តម តន់ សុខជា អគ្គនាយក នៃអគ្គនាយកដ្ឋានទឹកស្អាតក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ ដោយមានការចូលរួមពីលោកអភិបាលរងខេត្តបាត់ដំបង ពោធិ៍សាត់ កំពង់ឆ្នាំង មន្ទីរអង្គភាពពាក់ព័ន្ធ និងប្រតិបត្តិករផ្គត់ផ្គង់ទឹកស្អាតឯកជន ដែលអញ្ជើញមកពីខេត្តចំនួន ៤ រួមមាន៖ ខេត្តបាត់ដំបង ខេត្តពោធិ៍សាត់ ខេត្តកំពង់ឆ្នាំង និងខេត្តប៉ៃលិន។

បាត់ដំបង ៖ ដើម្បីឆ្លើយតបទាន់ពេលវេលាចំពោះករណីជំងឺគ្រុនឈាម ដែលបានរកឃើញនៅភូមិក្រសាំង ឃុំតាម៉ឺន ស្រុកថ្មគោល មន្ទីរសុខាភិបាលនៃរដ្ឋបាលខេត្តបាត់ដំបង បានចុះអនុវត្តសកម្មភាពអន្តរាគមន៍បន្ទាន់ ដើម្បីបង្ការ និងទប់ស្កាត់ការរាតត្បាតជំងឺគ្រុនឈាម ។ ការចុះប្រតិបត្តិការទប់ស្កាត់ជំងឺគ្រុនឈាមក្នុងមូលដ្ឋានសហគមន៍ប្រជាពលរដ្ឋ នាពេលនេះ បានធ្វើឡើងនៅថ្ងៃទី០៦ ខែកក្កដា ឆ្នាំ២០២៦ ក្រោមកិច្ច សហការជាមួយការិយាល័យសុខាភិបាលស្រុកប្រតិបត្តិថ្មគោល មណ្ឌលសុខភាព និងអាជ្ញាធរមូលដ្ឋានផងដែរ ។

បាត់ដំបង៖ លោកអភិបាលស្រុកឯកភ្នំ បានដឹកនាំកងកម្លាំងប្រដាប់អាវុធ មន្ត្រីរាជការ និងក្រុមការងារពាក់ព័ន្ធ ចូលរួមធ្វើពលកម្មសម្អាតអនាម័យបរិស្ថាន និងថែទាំកូនឈើតាមដងផ្លូវ ក្នុងភូមិសាស្ត្រឃុំព្រែកនរិន្ទ ស្រុកឯកភ្នំ ខេត្តបាត់ដំបង។ សកម្មភាពនេះ ត្រូវបានរដ្ឋបាលស្រុកបង្ហោះលើបណ្តាញសង្គមហ្វេសប៊ុក កាលពីព្រឹកថ្ងៃទី២៤ ខែមិថុនា ឆ្នាំ២០២៦។

បាត់ដំបង៖ កម្លាំងយោធាបានឃាត់ខ្លួនប្រជាពលរដ្ឋប្រមាណ ៤០ នាក់ ពាក់ព័ន្ធករណីលួចចូលឆក់ត្រីក្នុងតំបន់អភិរក្សអតីតឡូត៍នេសាទលេខ ២ ហើយបញ្ជូនមកកងរាជអាវុធហត្ថខេត្តបាត់ដំបង ដើម្បីរៀបចំសំណុំរឿងចាត់ការតាមច្បាប់។