ក្រោមការសម្របសម្រួលប្រកបដោយការទទួលខុសត្រូវរបស់លោក អាន់វ៉ា អ៊ីប្រាហ៊ីម នាយករដ្ឋមន្ត្រីម៉ាឡេស៊ី និងជាប្រធានអាស៊ានប្តូរវេន ព្រមទាំងការគាំទ្ររបស់សហរដ្ឋអាម៉េរិក និងការចូលរួមយ៉ាងសកម្មពីសាធារណរដ្ឋប្រជាមានិតចិន កម្ពុជា និងថៃបានឈានដល់កិច្ចព្រមព្រៀងឈប់បាញ់ ដោយកំណត់ឱ្យចូលជាធរមាននៅម៉ោង ០០:០០ នាទី ថ្ងៃទី២៨ ខែកក្កដា ឆ្នាំ២០២៥។
លោកស្រី ហែម សុគុណពិសី ប្រធានមន្ទីរព័ត៌មានខេត្តព្រះវិហារ រួមជាមួយអនុសាខាកាកបាទក្រហមកម្ពុជាស្រុកគូលែន ព្រមទាំងលោក សុន កុសល មេឃុំគូលែនត្បូង និងក្រុមការងារ បានអញ្ជើញចុះសាកសួរសុខទុក្ខ និងនាំយកអំណោយ ទៅប្រគល់ជូនគ្រួសាររងគ្រោះ ដែលរងការខូចខាតផ្ទះសម្បែងទាំងស្រុង ដោយសារគ្រោះធម្មជាតិ។
សង្គ្រាមឈ្លានពានរបស់យោធាថៃមកលើអធិបតេយ្យ និងបូរណភាពទឹកដីកម្ពុជាចំនួនពីរលើកក្នុងឆ្នាំ២០២៥ បានបង្កឱ្យមានវិបត្តិមនុស្សធម៌ដ៏ធ្ងន់ធ្ងរ ដោយមានប្រជាពលរដ្ឋកម្ពុជាប្រមាណ ៦៥០ ០០០ នាក់ ត្រូវបង្ខំចិត្តចាកចេញពីផ្ទះសម្បែង និងភូមិដ្ឋានរបស់ខ្លួន ដើម្បីគេចចេញពីគ្រោះថ្នាក់នៃសង្គ្រាម។
បកស្រាយយ៉ាងច្បាស់ៗដោយ លោក ពឹង ទ្រីដា ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តព្រះវិហារ អំពីសារៈសំខាន់ដ៏ធំធេងនៃការចុះកិច្ចសន្យារវាងសហគមន៍កសិកម្ម និងក្រុមហ៊ុនប្រមូលទិញ ដែលជាគោលនយោបាយអាទិភាពរបស់រាជរដ្ឋាភិបាល និងរដ្ឋបាលខេត្ត!
ទន្ទឹមនឹងដំណឹងល្អនេះ លោក ពឹង ទ្រីដា ប្រធានមន្ទីរកសិកម្ម ក៏បានផ្តាំផ្ញើសារយ៉ាងសំខាន់ទៅកាន់បងប្អូនកសិករ គោរព និងអនុវត្តឱ្យបានខ្ជាប់ខ្ជួននូវស្តង់ដារសរីរាង្គ ដើម្បីរក្សានូវកិត្យានុភាព និងកេរ្តិ៍ឈ្មោះអង្ករខេត្តព្រះវិហារ ដែលត្រូវបានវេចខ្ចប់វាយម៉ាកសញ្ញា «ព្រះវិហារ» នាំចេញផ្ទាល់ទៅកាន់ទីផ្សារធំៗនៅ អឺរ៉ុប និងអាមេរិក!
