(កំពង់ចាម) ប្រជាពលរដ្ឋដែលមានបញ្ហាភ្នែក សរុបចំនួន ប្រមាណ ១,៥០០នាក់ មកពីបណ្តាក្រុង-ស្រុកនានាក្នុងខេត្តកំពង់ចាម បានទទួលការពិនិត្យសុខភាពភ្នែក ថ្នាំបន្តក់ និងផ្តល់វ៉ែនតាឱ្យដោយឥតគិតថ្លៃ ដោយក្រុមគ្រូពេទ្យឯកទេសភ្នែក នៃវិទ្យាស្ថានភ្នែកនេប៉ាល់ នេត្រា ជូទី លុម្ពីនី ក្រោមការដឹកនាំដោយ ឯកអគ្គរដ្ឋទូតនេប៉ាល់ សហការជាមួយ សភាពាណិជ្ជកម្ម ខេត្តកំពង់ចាម។
បន្ទាប់ពីសមិទ្ធផលផ្លូវកៅស៊ូតភ្ជាប់រវាងស្រុកគូលែន និងស្រុកសង្គមថ្មី ត្រូវបានស្ថាបនារួច រាល់ ផ្លូវកៅស៊ូ DBST ១ខ្សែបន្ថែមទៀត ដែលខ្នែងតភ្ជាប់ចេញពីផ្លូវគូលែន-សង្គមថ្មី ត្រង់ចំណុចភូមិបរិបូណ៌ ទៅកាន់ភូមិក្តាក់ ស្ថិតក្នុងឃុំភ្នំត្បែងពីរ ស្រុកគូលែន ខេត្តព្រះវិហារ ក៏ត្រូវបានលេចរូបរាងឡើងយ៉ាងរឹងមាំផងដែរ។
នៅព្រឹកថ្ងៃទី០៥ ខែតុលា ឆ្នាំ២០២៦ រដ្ឋបាលខេត្តព្រះវិហារ សហការជាមួយទីបញ្ជាការសឹករងខេត្ត និងកងរាជអាវុធហត្ថខេត្ត បានរៀបចំកិច្ចប្រជុំផ្សព្វផ្សាយស្តីពីការអនុវត្តច្បាប់ស្តីពីកាតព្វកិច្ចយោធា ដើម្បីបង្កើនការយល់ដឹង និងការចូលរួមអនុវត្តច្បាប់របស់អាជ្ញាធរ និងប្រជាពលរដ្ឋនៅមូលដ្ឋាន។
នៅព្រឹកថ្ងៃទី០៥ខែ តុលាឆ្នាំ២០២៦ រដ្ឋបាលខេត្តព្រះវិហារ បានរៀបចំ កិច្ចប្រជុំការកសាងផែនការក្រុមប្រឹក្សាប្រឡងប្រណាំងការអនុវត្តគោលនយោបាយ ភូមិ ឃុំ សង្កាត់មានសុវត្ថិភាព និងដាក់ទិសដៅអនុវត្តបន្តឆមាសទី២ ឆ្នាំ២០២៦ ក្រោមអធិបតីភាព លោក វ៉ាត ប៉ារ៉ានីន អភិបានរងខេត្ត និងជាអនុប្រធានអចិន្រៃយ៍ក្រុមប្រឹក្សាប្រឡងប្រណាំងអនុវត្តគោលនយោបាយភូមិឃុំសង្កាត់មានសុវត្ថិភាព ដោយមានការអញ្ជើញចូលរួមពីសំណាក់ លោក លោកស្រីប្រធាន អនុប្រធានមន្ទីរពាក់ព័ន្ធ កងកម្លាំងទាំងបី អភិបាលក្រុងស្រុកទាំងប្រាំបី និងអ្នកពាក់ព័ន្ធជាច្រើនរូបទៀត។
នាព្រឹកថ្ងៃទី៤ ខែ តុលា ឆ្នាំ២០២៦ មន្ទីរព័ត៌មានខេត្តព្រះវិហារក្រោមការដឹកនាំរបស់លោកស្រី ហែម សុគុណពិសី ប្រធានមន្ទីរព័ត៌មាននិងមន្ត្រីរាជការក្រោមឱវាទ រួមជាមួយពុទ្ធបរិស័ទជិតឆ្ងាយ បានអញ្ជើញចូលរួមពិធីសូត្រមន្ត និងរាប់បាត្រឆ្លងបុណ្យកាន់បិណ្ឌវេនទី៨ នៃពិធីបុណ្យកាន់បិណ្ឌ និងភ្ជុំបិណ្ឌ ព្រមទាំងបាននាំយកនូវទេយ្យទាន គ្រឿងឧបភោគបរិភោគ បច្ច័យ វេរប្រគេនដល់ព្រះសង្ឃ គង់នៅវត្តឧត្តមមុនី ស្ថិតក្នុងភូមិអភិវឌ្ឍន៍ សង្កាត់ប៉ាលហាលក្រុងព្រះវិហារ ខេត្តព្រះវិហារ។
