ស្ថិតនៅប៉ែកខាងកើតនៃទីរួមខេត្តព្រះវិហារ ចម្ងាយប្រមាណ ៥៨ គីឡូម៉ែត្រ ស្រុកឆែប គឺជាស្រុកជាប់ព្រំដែនដ៏មានសក្តានុពលមួយ ដែលមានផ្ទៃដីសរុបជាង ២៥០០គីឡូម៉ែត្រក្រឡា ជាប់ព្រំដែនប្រទេសឡាវរហូតដល់ ៩៧គីឡូម៉ែត្រ និងមានដងទន្លេមេគង្គហូរកាត់ប្រវែង ២៤គីឡូម៉ែត្រ។

ថ្វីត្បិតតែ «ភូមិតាកឹងបៃតង» ជាទីតាំងស្នាក់នៅបណ្តោះអាសន្នសម្រាប់ប្រជាពលរដ្ឋដែលបានជម្លៀសខ្លួន និងភៀសសឹកពីតំបន់រងគ្រោះក៏ដោយ ប៉ុន្តែទីនេះត្រូវបានរៀបចំឡើងដោយបេះដូង និងការយកចិត្តទុកដាក់ខ្ពស់បំផុត។

ការកែប្រែមុខមាត់ថ្មីនៃវិស័យសុខាភិបាលនៅតាមមូលដ្ឋាន បាននិងកំពុងស្តែងឡើងយ៉ាងច្បាស់នៅក្នុងស្រុកគូលែន ខេត្តព្រះវិហារ។ មណ្ឌលសុខភាពគូលែន ដែលកាលពីមុនឆ្នាំ មានត្រឹមតែអគារចំនួន២ខ្នង ជួបការលំបាកក្នុងការទទួលប្រជាពលរដ្ឋនោះ នាពេលបច្ចុប្បន្ន បានផ្លាស់ប្តូររូបរាងយ៉ាងស្រស់ស្អាត និងធំទូលាយ តាមរយៈការបន្ថែមនូវហេដ្ឋារចនាសម្ព័ន្ធអគារ និងឧបករណ៍វេជ្ជសាស្ត្រទំនើបៗជាច្រើន។

​ការស្ថាបនាពង្រីកផ្លូវធំទូលាយ និងការរៀបចំសោភ័ណភាពជុំវិញរង្វង់មូល បានធ្វើឱ្យទីរួមស្រុកគូលែន មានមុខមាត់ថ្មីស្រស់ស្អាត រៀបរយ និងគួរឱ្យទាក់ទាញ។ ទីនេះមិនត្រឹមតែជាចំណុចប្រសព្វសម្រួលដល់ការធ្វើដំណើរប៉ុណ្ណោះទេ ប៉ុន្តែថែមទាំងជាទីសក្ការបូជា និងជាមោទនភាពរបស់បងប្អូនប្រជាពលរដ្ឋក្នុងស្រុកកំណើតរបស់ «លោកឪសួង អ្នកសច្ចំភ្នំត្បែង» ឬ «ទេវតាដើរដី» !

មន្ទីរសាធារណការ និងដឹកជញ្ជូនខេត្ត សូមសម្តែងនូវការសោកស្តាយ និងសូមខន្តីអភ័យទោសយ៉ាងជ្រាលជ្រៅចំពោះបងប្អូនប្រជាពលរដ្ឋទាំងអស់ ដែលបានធ្វើដំណើរឆ្លងកាត់ផ្លូវមួយខ្សែនេះ។ កន្លងមក ដោយសារកត្តាអាកាសធាតុមានភ្លៀងធ្លាក់ជោកជាំជាបន្តបន្ទាប់ បានធ្វើឱ្យផ្លូវមានការខូចខាត និងបង្កជាផលលំបាកដល់ការធ្វើដំណើរតាមដងផ្លូវនៅតាមផ្នែកមួយចំនួន។ ស្ថានភាពអាកាសធាតុបែបនេះ ក៏បានរារាំងដល់ក្រុមការងារបច្ចេកទេស មិនអាចចុះកៀរសម្រួលផ្លូវបានភ្លាមៗផងដែរ។

ពិធីនេះបានប្រព្រឹត្តទៅក្រោមអធិបតីភាព លោក ឯ សារូ ប្រធានក្រុមប្រឹក្សាក្រុង និង លោក ប៉ុក ងួន អភិបាលក្រុងព្រះវិហារ ព្រមទាំងមានការអញ្ជើញចូលរួមពីសំណាក់អាជ្ញាធរដែនដី មន្ត្រីបច្ចេកទេស និងបងប្អូនប្រជាពលរដ្ឋនៅក្នុងមូលដ្ឋានយ៉ាងច្រើនកុះករ។